សិស្ស ១៤នាក់ ត្រូវធ្វើចត្តាឡីស័ក ក្រោយឪពុកម្ដាយ ៨គ្រួសារចេញអាការដូចកូវីដ ក្រោយត្រឡប់ពីភ្នំពេញ!

តាមលិខិតស្នើសុំរបស់ប្រធានការិយាល័យអប់រំ ស្រុកសំឡូត ខេត្តបាត់ដំបង បានធ្វើសំណើសុំអនុញ្ញាត ធ្វើចត្តាឡីស័ក សិស្សានុសិស្សចំនួន ១៤នាក់ នៅជាមួយគ្រួសារ រយៈពេល ១៤ ថ្ងៃ។

នៅក្នុងលិខិតនោះ លោក សួន ធី ប្រធានការិយាល័យអប់រំស្រុកសំឡូត បានបញ្ជាក់ប្រាប់​លោកអភិបាល នៃគណៈអភិបាលស្រុកសំឡូត ថា កាលពីថ្ងៃទី១០ ខែមីនា ឆ្នាំ២០២១ មានគ្រួសារ និងអ្នកអាណាព្យាបាលសិស្ស ចំនួន ៨ គ្រួសារបានធ្វើ ដំណើរមកពីរាជធានីភ្នំពេញ ដោយ​មានអាការៈខុសប្រក្រតី និងកំដៅ លើសពីធម្មតា។

ក្នុងនោះមាន ៧ គ្រួសារបានចូល នៅក្នុងភូមិអន្លង់ពួក ឃុំតាសាញ និង ១ គ្រួសារ នៅក្នុងភូមិស្រែជីពៅ ឃុំមានជ័យ។ ពួកគាត់ មាន​កូនក្មួយចំនួន១៤នាក់ ត្រូវចូល​រៀន​តាម​គ្រឹះស្ថានសិក្សាចំនួន ៣​ ដូចជា៖ វិទ្យាល័យ សំឡូត ចំនួន ៤នាក់ អនុវិទ្យាល័យមានជ័យ​ចំនួន ១ នាក់ និង​សាលាបឋមសិក្សាតាសាញចំនួន ៥នាក់ ៕

អត្ថបទ៖ MC Chandarareth
ប្រភពពី news sabay

Leave a Reply

Your email address will not be published. Required fields are marked *