របៀបធ្វើមីញាំគ្រឿងសមុទ្រសាច់ចិញ្រ្ចាំ!!!

គ្រឿងផ្សំ៖ មី(មីកញ្ចប់) ២ដុំ,សាច់ជ្រូកចិញ្រ្ចាំ កន្លះចានចង្កឹះ,បង្គា ៤-៥(បកសំបក),ប៉េងប៉ោះ ហាន់ជាចំណិតៗ,ខ្ទឹមបារាំង ហាន់ស្តើងៗល្មម,ស្ពៃក្តោបហាន់ស្តើងៗ (ស្រុះបន្តិច),ទឹកត្រី ១ស្លាបព្រាបាយកន្លះ,ទឹកក្រូចឆ្មារ ៣ស្លាបព្រាបាយ,ស្ករស កន្លះស្លាបព្រាបាយ,ម្ទេសឆា ១ស្លាបព្រាបាយ,ទឹកដោះគោស្រស់ ២ស្លាបព្រាបាយ,ម្ទេស និងខ្ទឹមស ចិញ្រ្ចាំ ឬបុកចូលគ្នា ១ស្លាបព្រាបាយ។

វិធីធ្វើ៖
១.យកមីដាក់ស្រុះឲ្យទន់ល្មម រួចស្រង់ទុកមួយអន្លើ

២.យកសាច់ចិញ្រ្ចាំ និងបង្គាស្រុះឲ្យឆ្អិន រួចស្រង់ទុកមួយអន្លើ
៣.យកចានធំល្មមដាក់លាយទឹកត្រី ទឹកក្រូចឆ្មារ ស្ករស ម្ទេសឆា ម្ទេសខ្ទឹមសចិញ្ច្រាំ និងទឹកដោះគោស្រស់ចូលលាយចូលគ្នាឲ្យសព្វ

៤.បន្ទាប់មកដាក់មីចូលច្របល់ចូលគ្នា រួចដាក់ប៉េងប៉ោះ ខ្ទឹមបារាំង និងស្ពៃក្តោបចូលច្របល់ចូលគ្នាឲ្យសព្វ ហើយដួសដាក់ចានជាការស្រេច៕
សម្រួលអត្ថបទដោយ៖ ស្រីពៅ

សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។
ប្រភពពី លោកពូ អ៊ាង សុផល្លែត

Leave a Reply

Your email address will not be published.