អាណិតម្ចាស់ដើមការណាស់!!! មង្គលការមួយក្នុងខេត្តបាត់ដំបង មិនសូវមានភ្ញៀវមកចូលរួមច្រើន ក្រោយនៅខេត្តនេះរកឃើញអ្នកផ្ទុកវីរុសកូវីដ

ពិធីមង្គលការមួយក្នុងខេត្តបាត់ដំបង​នៅថ្ងៃនេះ មិនសូវមានភ្ញៀវចូលរួមនោះទេ បន្ទាប់ពីខេត្តបាត់ដំ​បងរកឃើញខ្មែរឥស្លាម៤នាក់ផ្ទុកវីរុសនេះ ធ្វើឲ្យភ្ញៀវមានការរារែកក្នុងការចូលរួម នេះបើតាមគណនេយ្យហ្វេសបុកThy Ty ដែលជាសាច់ញាតិម្ចាស់ដើមការ បានសម្តែងអារម្មណ៍ព្រួយបារម្ភលើបណ្តាញសង្គមយ៉ាងដូច្នេះថា៖

ការប្អូនស្រីខ្ញុំនៅខ្ពប់​ 18.03.2020.​ ហូបថ្ងៃ​ លូវនេះម៉ោង12ហេីយគ្មានភ្ញៀវមកចូលរួមទេ​ ដោយសារ​ វីរុស​ Covid.19 សេដ កូរ៉ូណា​ ប្រហារមិត្តភាព​ មនោសញ្ចេតនាហេីយ​ (យំក៏យំមិនចេញដែរវគ្គនេះ)​ គ្នាមិនសូវមានលុយផង។

ក្រោយពីបង្ហោះទិដ្ឋភាពបែបនេះ អ្នកប្រើប្រាស់បណ្តាញសង្គមហ្វេសបុកជាច្រើន បានសម្តែងនូវការអាណិតអាសូរម្ចាស់ដើមការជាខ្លាំង ចំពោះរឿងបែបនេះ និងលើកឡើងថាបើភ្ញៀវណាមិនមកចូលរួម សង្ឃឹមថានឹងផ្ងើរចំណងដៃមកជំនួស ដើម្បីជួយសំរាលបន្ទុកខ្លះដល់ម្ចាស់ដើមការ។

ប្រភព៖ Thmeyload