វេជ្ជ​បណ្ឌិត គួច ម៉េងលី ថា​ខ្យល់គ​​​ពីរ​ប្រភេទ​​ធ្វើ​ឱ្យ​​ដួល​សន្លប់​និង​ស្លាប់​ភ្លាម​បើ​គ្មាន​អ្នក​ជួយ​!!! (មានវីដេអូ)

នាពេល​ថ្មីៗ​នេះ គេ​សង្កេត​ឃើញ​មនុស្ស​កំពុង​ផ្អើល​ឆោ​ឡោ​ជុំវិញ​ករណី​​​ដួល​សន្លប់​តាម​ទីសាធារណៈ​។ ការ​ដួល​សន្លប់​នេះ​ស្រប​ពេល​ដែល​វីរុស​កូវិដ-១៩ កំពុង​តែ​រាត​ត្បាត​ស្ទើរ​តែ​ពាស​ពេញ​ពិភពលោក ដែល​ជា​ហេតុ​ធ្វើ​ឱ្យ​មនុស្ស​​ខ្លាច​រអា​មិន​ហ៊ាន​ចូល​ជួយ​ ដោយ​សារ​ពួកគេ​យល់​ថា​ អ្នក​ដែល​ដួល​សន្លប់​នោះ​ឆ្លង​ឬ​ផ្ទុក​វីរុស​កូរ៉ូណា​ប្រភេទ​ថ្មី ឬ​ហៅ​ថា កូវិដ-១៩។

ទាក់​ទិន​នឹង​ករណី​នេះ លោក​ឧកញ៉ា វេជ្ជបណ្ឌិត គួច ម៉េងលី បាន​លើក​ឡើង​ថា កូវិដ-១៩ ដែល​កើត​ឡើង​រីករាល​ដាល​លក្ខណៈ​ជា​សាកល​ គឺ​ជា​ជំងឺដែល​​ធ្វើ​ឱ្យ​មនុស្ស​រើស​អើង​គ្នា ប៉ុន្តែ​ជំងឺ​នេះ បើ​ធៀប​នឹង​ជំងឺ​ផ្សេងៗ​ទៀត មាន​បរិមាណ​តិច ហើយ​អ្នក​ស្លាប់​ដោយ​សារ​វា​​នៅ​​ទាន់​ស្មើ​នឹង​ជំងឺ​ផ្សេងៗ​ផង​​ទេ។ លោក​វេជ្ជ​បណ្ឌិត​ មាន​ប្រសាសន៍​ថា មូល​ហេតុ​ដែល​ធ្វើ​ឱ្យ​មនុស្ស​ភ័យ​ស្លន់​ស្លោ​ដោយ​សារ​តែ​កូវិដ-១៩ ដោយសារ​វា​ជា​​ជំងឺ​ដែល​ទើប​តែ​ផ្ទុះ​ឡើង​ថ្មី​ថ្មោង​ភ្លាមៗ​ធ្វើ​ឱ្យ​មនុស្ស​ភ័យ​ស្លន់​ស្លោ​ និង​រើស​អើង​គ្នា​ជ្រុល​ហួល​ហេតុ រហូត​មិន​ហ៊ាន​ជួយ​អ្នក​ដួល​សន្ល​ប់​នៅ​តាម​ទី​សាធារណៈ។

លោក​ឧកញ៉ា វេជ្ជបណ្ឌិត គួច ម៉េងលី បញ្ជាក់​ថា ទង្វើ​រើស​អើង​គ្នា​បែប​នេះ​ពុំ​ត្រឹម​ត្រូវ​ឡើយ ព្រោះ​អាច​បាត់​បង់​តម្លៃ​មនុស្ស​ធម៌​ដែល​ខ្មែរ​ធ្លាប់​តែ​មាន​ចំពោះ​គ្នា​និង​គ្នា។ ​ជាពិសេស​ការ​ដួល​សន្លប់​មិន​អាច​បញ្ជាក់​បាន​ថា បុគ្គល​​ម្នាក់​នោះ​មាន​ផ្ទុក​ជំងឺ​កូវិដ-១៩​នោះ​ទេ​។ មនុស្ស​ដួល​សន្លប់​ភាគ​ច្រើន ដោយ​សារ​តែ​​ខ្យល់គ។ ​ខ្យល់​គ​មាន​ពីរ​ប្រភេទ​ដែល​អាច​បណ្ដាល​ឱ្យ​មនុស្ស​ដួល​សន្លប់ និង​ស្លាប់​ភ្លាម​ប្រសិន​បើ​គ្មាន​អ្នក​ជួយ​។ ខ្យល់​គ​ទី​១ គឺ​ខ្យល់​គ​បញ្ជាក់​ប្រាប់​ពី​សញ្ញា​គាំង​បេះដូង​អាច​ធ្វើ​ឱ្យ​អ្នក​ជំងឺ​ដួល​សន្ល​ប់​ និង​មួយ​ទៀត​ជា​សញ្ញា​ប្រាប់​ពី​ជំងឺ​ខ្សោយ​អស់​កម្លាំង​ដោយ​សារ​ការ​ធ្វើ​ការ​​​ជ្រុល​ពេក​ ឬ​ក្ដៅ​ខ្លាំង​ពេក​បណ្ដាល​ឱ្យ​ខ្សោះ​ជាតិ​ស្ករ​ក្នុង​ឈាម​ ហើយ​បណ្ដាល​​ឱ្យ​មនុស្ស​ដួល​សន្លប់​​ដែរ។ ​ជំងឺ​ខ្យល់​គ​ទាំង​​នេះ ប្រសិន​បើ​គ្មាន​អ្នក​ណា​ជួយ​ទាន់​ពេល​វេលា​ទេ អាច​ធ្វើ​ឱ្យ​អ្នក​ជំងឺ​​ដាច់​ខ្យល់​ស្លាប់​មួយ​រំពេច។ ក្រៅ​ពី​ខ្យល់គ​ នៅ​មាន​ហេតុផល​ច្រើន​ទៀត​ ដែល​ធ្វើ​ឱ្យ​មនុស្ស​ដួល​សន្លប់​ដែរ ដូច​ជា​ការកក​​​ស្ទះ​សរសៃ​ឈាម ​ឆ្កួត​ជ្រូក ​ខ្វះ​ជាតិ​ស្ករ​ក្នុង​ឈាម និង​ដោយ​សារ​អាកាស​ធាតុ​ក្ដៅ​ពេក​ជា​ដើម។​

លោក​វេជ្ជ​បណ្ឌិត​បន្ត​ថា នៅ​ពេល​ដែល​យើង​ជួប​ហេតុការណ៍​មនុស្ស​ដួល​សន្លប់ យើង​គួរ​តែ​ជួយ ប្រសិន​បើ​យើង​ខ្លាច​ដោយ​សង្ស័យ​ថា បុគ្គល​នោះ​ផ្ទុក​វិរុស​កូវិដ-១៩ យ៉ាង​ហោច​ណាស់​ជួយ​ទូរសព្ទ​ទៅ​ឡាន​ពេទ្យ ឬ​ពេទ្យ​ដែល​នៅ​ជិត បើ​យើង​មិន​ជួយទេ ហើយ​ទុក​គាត់​ចោល​ ត្រឹម​តែ​៥ ទៅ​១០​នាទី បុគ្គលិក​នោះ​អាច​នឹង​ស្លាប់​ភ្លាម​ បើ​អ្នក​ចូល​ជួយ​ គួរ​​តែ​​ពាក់​ម៉ាស់​ការពារ ហើយ​ជួយ​ធ្វើ​ចលនា​បេះ​ដូង​ឱ្យ​គាត់។

ជា​ការពិតណាស់​ ពី​មុន​មាន​អ្នក​ដួល​សន្លប់​ច្រើន​ ប៉ុន្តែ​ដោយ​សារ​កាល​នោះ​​មិន​ទាន់​មាន​ជំងឺ​កូវិដ-១៩ ម្ល៉ោះ​ហើយ​មនុស្ស​តែង​តែ​ជួយ​គ្នា​ក្នុង​នាម​ជា​មនុស្ស​ធម៌​ តែ​មួយ​រយៈ​នេះ​ ដោយ​សារ​តែ​ជំងឺ​កូវិដ-១៩ បាន​ធ្វើ​ឱ្យ​មនុស្ស​មាន​ការ​រើស​អើង​គ្នា លែង​មាន​មនុស្ស​ធម៌ លែង​មាន​មនោ​សញ្ជេតនា​នឹង​គ្នា។​ ដូច្នេះ​គួរ​មាន​វិធី​សាស្ត្រ​ណា​មួយ​ដើម្បី​ជួយគ្នា​ នៅពេល​មាន​នរណា​ម្នាក់​ដួល​សន្លប់​។ ដូច​​លោក​ឧកញ៉ា វេជ្ជបណ្ឌិត គួច ម៉េងលី ក្រើន​រំលឹក​ថា​ ភាព​ភ័យ​ស្លន់​ស្លោ​ពេក​មិន​បាន​ជួយ​អ្វី​ក្រៅ​​ធ្វើ​ឱ្យ​មនុស្ស​ជ្រួលច្របល់​​​ ធ្វើឱ្យ​ខ្លួន​ឯង​​​ឈឺ​​ទៅ​​​វិញ​ទេ​​។

លោក​​វេជ្ជបណ្ឌិត​លើក​ឡើង​ថា រហូត​មក​ទល់​នឹង​ពេល​នេះ អ្នក​ឆ្លង​ជំងឺ​កូវិដ-១៩ គេ​អាច​ព្យាបាល​ជា​សះ​ស្បើយ​ច្រើន​នាក់​ហើយ​ ហើយចិន​ក៏បាន​ប្រកាស​ផ្ដល់​ជំនួយ​ដល់​កម្ពុជា​​ជុំវិញ​កូវិដ​-១៩​នេះ​ផង​ដែរ។ ទន្ទឹង​នឹង​ការ​ព្យាបាល​ជា​សះស្បើយ​ គេក៏​អាច​បង្ការ​វា​បាន​ផង​ដែរ តាម​រយៈ​ការ​លាង​ត្រឹម​ត្រូវ​តាម​ក្បួន​ពេទ្យ​បាន​ញឹក​ញាប់​ ការ​ពាក់​ម៉ាស់ ការ​ទទួល​ទាន​អាហារ​ដែល​ផាសុកភាព។ ចំណែក​វីរុស​កូវិដ-១៩ មិន​អាច​រស់​នៅ​ក្នុង​​សីតុណ្ហភាព​ក្ដៅ​ដូច​ប្រទេស​ខ្មែរ​នោះ​ទេ ​ហើយ​អ្នក​ដែល​ឆ្លង​ទៀត​សោត ភាគ​ច្រើន​ឆ្លង​តែ​ចំពោះ​​មនុស្ស​ដែល​មាន​អាយុ​លើស​ពី​៦០​ឆ្នាំ អ្នក​ដែល​មាន​ជំងឺ​ជាប់​នឹង​ខ្លួន​ស្រាប់ និង​អ្នក​ដែល​មាន​ប្រព័ន្ធ​ការពារ​ខ្សោយ​ប៉ុណ្ណោះ​។ ដូច្នេះ​កុំ​ភ័យ​ស្លន់​ស្លោ កុំ​ចរចាម​អារាម កុំ​បំផុស​បំផុល​ខ្លាំង​ពេក កាល​ណា​ធ្វើ​បែប​នេះ ដូច​ជា​កំពុង​តែ​កម្លាច​ខ្លួន​ឯង​ឱ្យ​ភ័យ​ខ្លាច​​ខ្លួន​ឯង៕វីដេអូចំណេះដឹងបន្ថែមស្តីពី វេជ្ជបណ្ឌិត គួច ម៉េងលី ប្រាប់​​ថ្នាំ​​​បំបាត់​ឈឺ​ក្បាល​ដោយ​​គ្មាន​​មូល​​ហេតុ​ អ្នក​គួរ​យល់​ដឹង។ប្រភព៖ interconrooster

Leave a Reply

Your email address will not be published.