អបអរសាទរ!!! ក្មួយប្រុស គុណ គា បានជាប់លេខ ១ ស្មូតបានពិរោះជាងគេ…(មានវីដេអូ)
គេប្រទះឃើញ ឯកឧត្តម គួច ចំរើន អភិបាលខេត្តព្រះសីហនុ បានបង្ហោះរូបភាពសិស្ស៣នាក់ ព្រមទាំងភ្ជាប់សារបញ្ជាក់ឲ្យដឹងថា៖“ភាពក្លាហាន និង ទេពកោសល្យ ដ៏ចំណាន របស់ក្មួយប្រុសទាំងបីនាក់ ប្រាកដជានាំកិត្តិយស មកជូនក្រុមគ្រួសារ និង ខេត្តព្រះសីហនុ មិនខានឡេីយ ។ ការជូនដំណេីរក្មួយៗ ទៅប្រកួតប្រជែងជ័យលាភីថ្នាក់ជាតិ ការស្មូត ការតែងនិពន្ធ និង ការអាន ។ ជូនពរក្មួយៗប្រកួតប្រជែងអោយបានជោគជ័យ ។
ក្នុងចំណោមសិស្សទាំង៣ ឯកឧត្តម ក៏បានបង្ហោះវីដេអូពីសិស្សម្នាក់ ដែលស្មូតបានពីរោះខ្លាំងណាស់។ ឯកឧត្ត ក៏បានបញ្ជាក់ប្រាប់ផងដែរថា “ស្ដាប់ហេីយ ជួយអោយពិន្ទុផង តេីពីរោះទេ? បេក្ខជនស្មូតកំណាព្យ ខេត្តព្រះសីហនុ កុមារា គុណ គា រៀនថ្នាក់ទី ៧ អនុវិទ្យាល័យ តេជោ ហ៊ុន សែន កម្មករ ។ចំណែកនៅមុននេះបន្តិច នាថ្ងៃទី ១០ ខែមីនា ឆ្នាំ ២០២០ ឯកឧត្តម គួច ចំរើន ក៏បានបញ្ជាក់ប្រាប់ម្តងទៀតថា “ក្មួយប្រុស គុណ គា ស្មូតពីរោះ ពិតជាបានជាប់លេខ ១ មែន ។ សូមអបអរសាទរ កោតសរសេីរ និង ជូនពរក្មួយ ជោគជ័យ សំណាងល្អ៕
