អបអរសាទរកូនខ្មែរ!!! និស្សិតកម្ពុជា កញ្ញា សៅ ស្រីមួយ ត្រូវបានជ្រេីសរេីសជាប់ជានិស្សិតឆ្នេីមពីសភាវិស្វកម្ម និង ស្ថាប័នវិស្វកម្មនៃព្រះបរមរាជវាំង
ពិតជាគួរឲ្យរំភើប និងមានមោទនភាពខ្លាំងណាស់ ដែលប្រទេសកម្ពុជាយើង សំបូរទៅដោយធនធានមនុស្ស និងអ្នកមានទេពកោសល្យដ៏អស្ចារ្យជាច្រើន រួមទាំងបានជួយលើកមុខមាត់ប្រទេសជាតិ នៅលើឆាកអន្ដរជាតិ ដើម្បីឱ្យគេបានស្គាល់ពីសមត្ថភាព និងភាពបុិនប្រសព្វរបស់កូនខ្មែរនាពេលកន្លងមកនេះ។
យ៉ាងណាមិញ នៅថ្ងៃទី១២ ខែកុម្ភៈ ឆ្នាំ២០២០ មុននេះបន្តិច យោងតាមរយៈគេហទំព័រផេកហ្វេសប៊ុកឈ្មោះ Cambodian Student Associations of Chaiyaphum Rajabhat University-CSA CPRU ដែលជាសកលវិទ្យាល័យដ៏ល្បីមួយនៅប្រទេសថៃ បានមានការបញ្ជាក់ឲ្យដឹងថា៖ «ចូលរួមអបអរសាទរនិស្សិតកម្ពុជាយេីង កញ្ញា សៅ ស្រីមួយ និស្សិតអាហាររូបករណ៍ព្រះរាជទាន នៃសាកលវិទ្យាល័យរ៉ាឆាផាត់ឆៃយ៉ាភូមិ Chaiyaphum Rajabhat University ត្រូវបានជ្រេីសរេីសជាប់ជានិស្សិតឆ្នេីមពីសភាវិស្វកម្ម និង ស្ថាប័នវិស្វកម្មនៃព្រះបរមរាជវាំងប្រចាំប្រទេសថៃ ។
ក្នុងនោះដែរ កញ្ញាត្រូវបានសភាវិស្វកម្មប្រទេសថៃ ផ្តល់កិត្តិយសក្រោមព្រះប្រទានពីព្រះមហាក្សត្រថៃអោយកញ្ញាទទួលបានមេដាយមាស និងចូលសម្តែងការគួរសមកាលពីថ្ងៃទី០៣ ខែកម្ភះ ២០២០ នៅឯព្រះបរមរាជវាំង ទីក្រុងបាងកក ប្រទេសថៃ ដោយក្នុងឆ្នាំនេះមានតែកញ្ញាមួយរូបប៉ុណ្ណោះតំណាងអោយនិស្សិតខ្មែរដែលបានទទួលមេដាយនេះ ហេីយនេះជាមោទនភាពថ្មីមួយទៀតសម្រាប់កញ្ញា ក្រុមគ្រួសារកញ្ញា និង ប្រទេសជាតិផងដែរ»។