ដំណឹងល្អមកដល់ហើយ!!! បងប្អូនណា បាត់បង់ ម៉ូតូ ក្នុងបទល្មើសណាមួយ សូមអញ្ជើញមកយកវិញបាន

នារសៀលថ្ងៃ​អាទិត្យ​ ១រោច​ ខែមាឃ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៩ ខែ​កុម្ភៈ​ ឆ្នាំ២០២០នេះ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានធ្វើការ​ជូនដំណឹង​ដល់ប្រជាពលរដ្ឋដែលបាន​បាត់បង់ ម៉ូតូ ក្នុងបទល្មើសណាមួយ​ ប្រញាប់​មក​ធ្វើ​ការ​ផ្ទៀងផ្ទាត់​ ដោយ​ក្នុង​នោះ​ឯកឧត្ដម​បាន​មានការ​បញ្ជាក់​ឲ្យ​ដឹង​ថា​៖

«ស្នងការដ្ឋាននគរបាលខេត្តព្រះសីហនុ សូមគោរពជូនដំណឹង ដល់បងប្អូនប្រជាពលរដ្ឋមេត្តាជ្រាបថា៖ ប្រសិនបើមានបាត់បង់ ម៉ូតូ ក្នុងបទល្មើសណាមួយ សូមអញ្ជើញយករាល់ឯកសារសម្គាល់ផ្សេងៗមកពិនិត្យផ្ទៀងផ្ទាត់ នៅស្នងការដ្ឋាននគរបាលខេត្តព្រះសីហនុ។​ សមត្ថកិច្ចជំនាញយើងខ្ញុំ ដោយមានការដឹកនាំ សម្របសម្រួលពី ព្រះរាជអាជ្ញារង លឹម ប៊ុនហេង និងការបញ្ជារផ្ទាល់ពី ឯកឧត្តម គួច ចំរើន

បានដកហូតម៉ូតូជាច្រើនគ្រឿង ពីកន្លែងបញ្ចាំខុសច្បា ប់មួយកន្លែង មករក្សារទុកនៅស្នងការ។​ សូមអរគុណ»។ ទន្ទឹម​នឹង​នេះ​ដែរ​ ប្រជាពលរដ្ឋ​ជាច្រើន​បានសម្តែងនូវ​អារម្មណ៍​រីករាយ​ជាខ្លាំង​ចំពោះ​ចំណាត់​ការ​មួយនេះរបស់​សមត្ថកិច្ច​ ក៏ដូចជា​អាជ្ញាធរ​ពាក់ព័ន្ធ​ ក្នុង​ការស្វែងរក​ម៉ូតូ​ដែលបាត់​ និងឈានទៅដល់ការ​លុប​បំបាត់ ​ក រ ណី​ ទាំងនេះផងដែរ។khosja

Leave a Reply

Your email address will not be published.