របៀបធ្វើនំ ចាក់អំបែងស្នូល!!!
ប្រិយមិត្តទាំងអស់គួរតែនាំគ្នាឈប់ហៅថា នំបាញ់ឆែវ ទៅគួរតែហៅ នំចាក់អំបែងស្នូលវិញ ព្រោះនំបាញ់ឆែវជាភាសាអណ្ណាម នំចាក់អំបែងមានដូចជា៖ នំចាក់អំបែងប្រៃ(លាយអំបិលឡមៗ ជួបលាយកំពឹស ជួបក៏លាយផ្កាស្នោ),នំចាក់អំបែងផ្អែម(លាយសាច់ដូងនិងស្ករក្រហមឬស្ករស),ចាក់អំបែងស្នូល(ស្នូលតាមចំណូលចិត្តអាចជាសាច់ត្រី,សាច់ជ្រូក,សាច់មាន់តាមចំណូលរៀងៗខ្លួន)។
តោះឥឡូវសុំប្រិយមិត្តអានរបៀបធ្វើនំចាក់អំបែងស្នូល ទាំងអស់គ្នា។នំចាក់អំបែងស្នូលគឺជាអាហារដែលគេតែងតែធ្វើញាំហើយគេយកវាជំនួសបាយម្តងម្កាលផងដែល។ហើយនៅពេលមានកម្មវិធីជួបជុំមិត្តភ័ក្តបងប្អូន ឬក៏មានកម្មវិធីបន្តិចបន្តួចក៍គេតែងធ្វើញាំដែរ ខាងក្រោមនេះជាគ្រឿងផ្សំនិងវិធីធ្វើ៖
+ គ្រឿងផ្សំ-បង្កង ៥០០ ក្រាម បកសំបកយកក្បាលចេញ-សាច់ជ្រូក ៥០០ ក្រាម ចិញ្ច្រាំ- ម្សៅអង្ករ ៥០០ ក្រាម-ល្មៀត ១ ស្លាបព្រាកាហ្វេ (ម្សៅ)-ខ្ទះដូង ៤០០ មីលីលីត្រ-ខ្ទឹមបារាំង ២ ដុំ ១ ឆាលាយសាច់ ១ ធ្វើស្នូល ហាន់ជាចំណិតៗ-ស៊ុត ២ គ្រាប់-អំបិល កន្លះស្លាបព្រាកាហ្វេ – ម្រេច កន្លះស្លាបព្រាកាហ្វេ -ម្សៅស៊ុបមាន់ ១ស្លាបព្រាកាហ្វេ -ប្រេងឆា (ម្តង ១ ស្លាបព្រាកាហ្វេ) -ទឹក ១ លីត្រ – សាឡាត់ បេះលាងទឹកឲ្យស្អាត – ត្រសក់ ២ ផ្លែ ចិតបណ្តោយជាចំណិតៗ – ជីអង្កាម បេះលាងទឹកឲ្យស្អាត – សណ្តែកបណ្តុះ ៥០០ ក្រាម
+វិធីធ្វើ៖១. ជាដំបូងអ្នកត្រូវយកទឹក ១ លីត្រ លាយជាមួយនឹងម្សៅ ៥០០ ក្រាមបន្ទាប់មកកូរបញ្ចូលគ្នាបន្តិចសិនរួចបន្ថែមស៊ុត ២ គ្រាប់,ល្មៀត ១ ស្លាបព្រាកាហ្វេ, ខ្ទិះដូង ៤០០ មីលីលីត្រ, អំបិល កន្លះស្លាបព្រាកាហ្វេកូរបញ្ចូលគ្នាទាំងអស់រហូតទាល់តែរលាយចូលគ្នាសប់ល្អ។២. ដាក់ឆ្នាំងឆាខ្ទឹមបារាំងឲ្យឆ្អិនបន្ទាប់មកដាក់សាច់ជ្រូកចូលឆាពីទៅបីត្រឡប់រូចក៍បន្ថែម ម្សៅស៊ុបមាន់ ១ ស្លាបព្រាកាហ្វេ, ម្រេច កន្លះស្លាបព្រាហ្វេ (អ្នកអាចបន្ថែមអំបិលបន្តិចក៍បានដែរ) រួចហើយក៍ឆារហូតទាល់តែឆ្អិន។
៣.ដាក់ប្រេងឆា ១ ស្លាបព្រាកាហ្វេ ចូលក្នុងឆ្នាំងខ្ទះរួចទុកឲ្យក្តៅបន្តិចសិនទើបបន្ថែមម្សៅដែលបានលាយរួចចូលទៅក្នុងឆ្នាំងខ្ទះ ១ វេក វាចឲ្យស្មើ ឬក៍អាចលើកខ្ទះក្រលេងក៍បានរួចបន្ថែម បង្កង,សាច់ឆា,សណ្តែកបណ្តុះ, ខ្ទឹមបារាំង ដាក់នៅម្ខាងងាយស្រួលក្នុងការយកម្ខាងទៀតគ្របពីលើរួចគ្របប្រហែលជា ២-៣ នាទី យកម្ខាងទៀតគ្របទៅម្ខាងទៀតដែលមានស្នូលរួចហើយគ្របមួយភ្លេចក៍ត្រឡប់ម្ខាងទៀតគ្របរហូតស្នូលខាងក្នុងឆ្អិននោះអ្នកនិងទទួលបាន នំចាក់អំបែងស្នូល។
+គ្រឿងផ្សំធ្វើទឹកគ្រឿង ៖ -ម្ទេស ៤ គ្រាប់ ហាន់តូចស្តើងៗ – ខ្ទឹមស ២ កំពឹស ហាន់ល្អិតៗ – ស្កសរ ៤-៥ ស្លាបព្រាបាយ -ទឹកក្តៅ ៥ ស្លាបព្រាបាយ -ក្រូចឆ្មា ១ ផ្លែ – ទឹកត្រី ៥-៦ ស្លាបព្រាបាយ -ការ៉ុត ១ មើម ចិតជាចំណិតតូចៗ (ឬប្រើសំភារៈឆូត)ដាក់ចូលក្នុងទឹកគ្រឿងខ្លះ និងទុកផ្ទាប់ជាមួយខ្លះនៅពេលញាំ។ ចំណាំ៖ អ្នកត្រូវមានចានគោមតូចល្មមមួយយកមកលាយគ្រឿងហើយកូរបញ្ចូលគ្នាឲ្យរលាយសប់ដែលមាន។
