យល់យ៉ាងណាដែរបងប្អូន? គំរូប្លង់រង្វង់មូលទាំង ៣ ខេត្តព្រះសីហនុ!!!

ខេត្តព្រះរសីហនុ៖ ក្រោយពីគម្រោងសាងសង់ផ្លូវក្នុងក្រុង រយៈពេល ៨ ខែឱ្យរួចរាល់នោះ ក៏បានរំលេចចេញនូវរង្វង់មូលចំនួន ៣ ​​​​​​​​​​​​​​​​​​​​​​​​​​​​​​​​​​​​​​​ក្នុងខេត្ត ដែលមានភាពទាក់ទាញយ៉ាងខ្លាំង​ រួមមាន រង្វង់មូល សីហរាជមុខបី , ​​​​​​​​​​​​​​​​​​​​​​​​​​​​​​​​​​​​​​រង្វល់មូលព្រះថោងនាងនាគ និង រង្វល់មូលព្រះសិវៈ ។ ទី១ សីហរាជមុខបី ស្ថិតនៅចំណុចប្រសព្វគ្នារវាងផ្លូវជាតិលេខ៤ ​​​​​​​​​​​​​​​​​​​​​​​​​​​​​​​​​​​​​​​​​​​​​​​និង វិថីជោតញ្ញាណ ដែលមានរូបបដិមា ​​​​​​​​​​​​​​​​​​​ធ្វើពីលោហធាតុ ​​​​​​​​​​​​​​​​​​​​​​​​​​​​​​​​​​​​​​មានកម្ពស់ ៩ ម៉ែត្រ តម្កល់លើបល្ល័ង្កកម្ពស់ ​​​​​​​​​​​​​​​​​​​​​​​​​​​​​​៥,៦៥០ ម៉ែត្រ និងមានកម្ពស់សរុប ១៥,១៥០ ម៉ែត្រ ជាចម្លាក់សិល្បៈបាយ័ន ដែលគេកម្របានជួបប្រទះ ។

សីហរាជមុខបី ជានិមិត្តរូបនៃក្រុងព្រះសីហនុ និង ​​​​​​​​​​​​​​​​​​​​​​​​​​​​​ជាការគោរពដឹងគុណគុណូបការ ចំពោះព្រះករុណា ព្រះបរមរតនៈកោដ្ឋ ​​​​​​​​​​​​​​​​​​​​​​​​ដែលព្រះអង្គមានព្រះនាមថា ​​​​​​​​​​​​​​​​​​​​​​​​​សម្តេចព្រះនរោត្តម សីហនុ ​​​​​​​​​​​​​​​​​​​​​​​​​​​​​​​​​​និង តំណាងឱ្យសេចក្តីសុខ សុភមង្គល ភាពសុខសាន្ត និង ​​​​​​​​​​​​​​​​​​​​​​​​​​​​​​សុខុដុមនីយកម្មក្នុងគ្រួសារ និង សង្គម។ ទី២ រង្វល់មូលព្រះថោងនាងនាគ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ស្ថិតនៅចំណុចប្រសព្វគ្នារវាងមហាវិថីឆ្នេររាម និង មហាវិថីជំទាវម៉ៅ ។

ព្រះថោងនាងនាគ ​​​​​​​​​​​​​​​​​​​​​​​បែរព្រះភ័ក្ត្រឆ្ពោះទៅសមុទ្រ​​​​​​​​​​​​​​​​​​ ទ្រង់ដំណើរយាងទៅជួបព្រះមាតាបិតានាឋានភុជង្គនាគ ​​​​​​​​​​​​​​​​​​​​​​​​​​​​​​​​ជានិម្មិត្តរូបនៃការកកើតទឹកដី ​​​​​​​​​​​​​​​​​​​​​​​​​​​​​​វប្បធម៌អរិយធម៌ ​​​​​​​​​​​​​​​​​​​​​​​​​​​​ប្រពៃណី ទំនៀមទម្លាប់ របស់ខ្មែរ ។ ទី៣ ​​​​​​​​​​​​​​​​​​​​​​​​​​​​​​​​​​​​​​​រង្វល់មូលព្រះសិវៈ ស្ថិតនៅចំណុចប្រសព្វគ្នារវាងមហាវិថីរាម ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​និង មហាវិថីឆ្នេររាម ។

បដិមាព្រះសិវៈ និង ព្រះនាងឧមាភគវតី ​​​​​​​​​​​​​​​​​​​​​​​​​​​​​​ធ្វើពីលោហធាតុ ​​​​​​​​​​​​​​​​​​​​​​មានកម្ពស់ ៩ ម៉ែត្រ គង់នៅលើបល្ល័ង្កកម្ពស់ ​​​​​​​​​​​​​​​​​​​​​​​​​​​​​​​​​​​​​​​​​​​​​៦,១៥០ ម៉ែត្រ ដែលមានកម្ពស់សរុប ​​​​​​​​​​​​​​​​​​​​​​​​​​​​​​​​​​​​​​​​​១៥,១៥០ ម៉ែត្រ ជានិមិត្តរូបនៃការបង្កើតលោក និង ​​​​​​​​​​​​​​​​​​​​​​​​​​​​​​​​​​​​​​​​តំណាងឱ្យសេចក្តីសុខ សុភមង្គល ភាពសុខសាន្ត និង ​​​​​​​​​​​​​​​​​​​​​​​​​​​​សុខុដុមនីយកម្មក្នុងគ្រួសារ និង សង្គម ៕

ប្រភពពី ប្រជាប្រិយ

Leave a Reply

Your email address will not be published.