ជួរភ្នំក្រវាញជាព្រៃទឹកភ្លៀងធំជាងគេនៅអាស៊ីអាគ្នេយ៍ និងជាត្បូងពេជ្រលាក់ខ្លួន!!!
(ភ្នំពេញ)៖ ជួរភ្នំក្រវាញអាចជាព្រៃទឹកភ្លៀងដែលមានទំហំធំជាងគេនៅអាស៊ីអគ្នេយ៍ ប៉ុន្ដែនៅតែជាត្បូងពេជ្រលាក់ខ្លួនសម្រាប់ភ្ញៀវទេសចរដែលមកទស្សនាប្រទេសកម្ពុជា។ នេះបើតាមអង្គការអភិរក្សសត្វព្រៃ Wildlife Alliance។
ព្រៃនៅជួរភ្នំក្រវាញគ្របដណ្ដប់កំពូលភ្នំដែលខ្ពស់ជាងគេនៅកម្ពុជាដូចជាភ្នំឳរ៉ាល់ដែលមានកម្ពស់រហូតដល់១៨១៣ម។ ព្រៃទាំងនេះមានទំហំជិត២ម៉ឺនគីឡូម៉ែត្រការ៉េ គឺជាទំហំព្រៃដែលធំជាងគេនៅអាស៊ីអាគ្នេយ៍ និងជាកន្លែងចុងក្រោយបំផុតនៃតំបន់សម្បូរជីវៈចម្រុះឥណ្ឌូ-ភូមា។ ព្រៃនៅជួរភ្នំក្រវាញត្រូវគេចាត់ទុកជាតំបន់មួយក្នុងចំណោមតំបន់សម្បូរជីវៈចម្រុះទាំង៣៥នៅលើភពផែនដី៕
ប្រភពរូបភាព៖ wildlifealliance