អបអរសាទរកម្ពុជា!!! កម្ពុជាបានទទួលលេខ២ ក្នុងការប្រកួតជើងឯក វូវីណាមពិភពលោកលើកទី៦

ព្រឹត្តិការណ៍ការប្រកួតកីឡាវ៉ូវីណាម ជើងឯកពិភពលោកពិភពលោក លើកទី៦ “The 6th WVVF World Vovinam Championships 2019” មានចំនួន ២៣ ប្រទេសចូលរួមប្រកួត ដែលនឹងប្រព្រឹត្តិតាំងពីថ្ងៃទី១៨ ដល់ថ្ងៃទី២២ ខែធ្នូ ឆ្នាំ២០១៩ នៅក្នុងសាលនៃពហុកីឡដ្ឋានជាតិ អូឡាំពិក កម្ពុជា។

ក្នុងនោះដែរ ម្ចាស់ផ្ទះកម្ពុជា ដណ្តើមបានមេដាយសរុបចំនួន៣១គ្រឿង ក្នុងនោះមាស៩ ប្រាក់១០ និង សំរិទ្ធ១២ ឈរលេខ២ក្នុងចំណោមប្រទេសទាំង២៣ ខណៈដែលលេខ១បានទៅលើម្ចាស់ក្បាច់គុន វៀតណាម។

ក្នុងចំណោមមេដាយទាំង៣១គ្រឿង កម្ពុជា បានមេដាយមាស៣ ប្រាក់៤ និង សំរិទ្ធ២ សរុប ៩មេដាយ ក្នុងវិញ្ញសារប្រយុទ្ធ។ចំណែកវិញ្ញាសារសម្តែងវិញ កម្ពុជាទទួលបានមេដាយមស៦ ប្រាក់៦ និង ​សំរិទ្ធ១០ សរុប ២២មេដាយ។

ឯកឧត្ដម​ ស៊ូម​ សារឿន​ ប្រធាន​សហព័ន្ធ​ខាង​លើ​បាន​ឲ្យ​ដឹង​ថា​ ការ​ប្រកួត​ជើងឯក​ពិភពលោក​ លើក​ទី៦​ ដែល​ធ្វើ​ឡើង​ប៉ុន្មាន​ថ្ងៃ​មុន​នេះ​នៅ​កម្ពុជា​ គឺ​ជា​ជោគជ័យ​ធំ​ណាស់​សម្រាប់​កីឡាករ​ កីឡា​ការិនី​វ៉ូវីណាម​កម្ពុជា​ តាម​រយៈ​ការ​ឈ្នះ​មេដាយ​មាស​ដល់​ទៅ​ ៩គ្រឿង​ និង​ឈរ​លំដាប់​លេខ២៕

Leave a Reply

Your email address will not be published.