ខ្លោចផ្សាណាស់!!! ទាក់ទងមិនបានតាមរកដល់ផ្ទះ បែរប្រទះឃើញក្នុងទូទឹកកកជាកំណាត់ៗ
នៅរសៀលថ្ងៃទី ២៥ វិច្ឆិកា ឆ្នាំ២០១៩ អាជ្ញាធរថៃបានទទួលពាក្យបណ្ដឹងមួយឲ្យចុះទៅមើលកន្លែងកើតហេតុ បន្ទាប់ពីមានអ្នកប្រទះឃើញសពស្ត្រីម្នាក់ជាកំណាត់ៗ ក្នុងទូទឹកកកគួរឲ្យសង្វេគបំផុត។ជនសង្ស័យជាឃាតកត្រូវគេដឹងថា ជាកូនប្រុសរបស់ស្ត្រីរងគ្រោះមានឈ្មោះ ស៊ិរាក់ ស៊ុំដេត អាយុ ២០ឆ្នាំ ។ កូនប្រុសម្នាក់នេះ បានព្យាយាមលាក់ទុកអាថ៌កំបាំងនៃរឿងក្ដីឃាតកម្មចំពោះម្ដាយបង្កើតខ្លួនឯងហើយក៏គ្មានអ្នកណាម្នាក់ដឹងពីមូលហេតុពិតប្រាកដនោះឡើយ។
ហេតុការណ៍បង្កឲ្យមានការផ្អើលឆោឡោឡើង នៅពេលអ្នកជិតខាងបានចូលទៅក្នុងផ្ទះជនរងគ្រោះ ព្រោះមិនអាចទាក់ទងជនរងគ្រោះបាន ហើយបើកទូទឹកកកទើបប្រទះឃើញបំណែកជនរងគ្រោះតែម្ដង។ នៅពេលនោះ កូនប្រុសមិនអាចលាក់បាំងបាន ក៏គិតខ្លីប្រល័យជីវិតតាមក្រោយ។អ្នកជិតខាងបានរៀបរាប់ថា កូនប្រុសរបស់ជនរងគ្រោះមកនៅជាមួយម្ដាយមិនដល់ ៥ឆ្នាំផង តែកូនគាត់មានជំងឺផ្លូវចិត្តស្ថិតនៅក្នុងដំណាក់កាលព្យាបាល ហើយអ្នកជិតខាង តែងតែឮឈ្លោះប្រកែកគ្នាជាប្រចាំរវាងម្ដាយ និងកូន។
កាលពីម្សិលមិញ ម៉ោងប្រហែល ៨ យប់មិត្តភ័ក្ដិជនរងគ្រោះនិយាយថា ខ្លួនទើបតែបាននិយាយលេងជាមួយអ្នកជនរងគ្រោះសុខៗ ស្រាប់តែថ្ងៃនេះគាត់ទាក់ទងមិនបានទៅសួរកូនគាត់ៗក៏ឆ្លើយថា មិនដឹងម្ដាយនៅទីណាទេ តែនាងមិនជឿព្រោះឃើញរថយន្តនៅផ្ទះ ទើបចូលទៅរកក្នុងផ្ទះ តែរកមិនឃើញ នាងមានប្រផ្នូរមិនល្អសោះ នាងក៏ដើរសំដៅទៅបើកទូទឹកកក ហើយអ្វីដែលឃើញធ្វើឲ្យនាងតក់ស្លុតយ៉ាងខ្លាំង។
រំពេចនោះស្រាប់តែឮសំឡេងកាំភ្លើង នាងបែរទៅ ក៏ឃើញកូនប្រុសជនរងគ្រោះដេក ស្លាបលើកម្រាលឥដ្ឋទៅហើយ។ ភ្លាមនោះនាងក៏ប្រញាប់រាយការណ៍ទៅប៉ូលីស។
ពេលប៉ូលីសទៅដល់ផ្ទះកើតហេតុនោះ ភ្នាក់ងារប៉ូលីសដែលចុះត្រួតពិនិត្យបានប្រទះឃើញ កាំបិតធំ ញញួរ ថង់ផ្លាស្ទិក និងស្បោងនៅក្នុងទូទឹកកក ហើយពេលយកមកមើល ខាងក្នុងស្បោងមានបំណែក ក្បាល ដៃ ជើង និងដងខ្លួន។ ទើបភ្នាក់ងារប៉ូលីសយកមកតំរៀបជារៀងមនុស្ស តែបែរជាបាត់បំណែកដើមទ្រូងម្ខាង។
បងប្រុសជនរងគ្រោះ និង អ៊ំរបស់ជនល្មើស និយាយថាមិនគួរអោយជឿសោះថា ហេតុការណ៍បែបនេះកើតឡើងលើគ្រួសារខ្លួន។ ពិតជាសោកស្ដាយខ្លាំងណាស់ ដឹងដែរថា ក្មួយកើតជំងឺផ្លូវចិត្តស្ថិតនៅក្នុងការព្យាបាល តែគិតមិនដល់ថាក្មួយហ៊ានធ្វើដល់ថ្នាក់នេះសោះ៕
