ស៊ែរឲ្យកូនខ្មែរជំនាន់ក្រោយដឹងផង! ពួកគេជាអ្នករក្សាទុកនៅមរតកដូនតាខ្មែរដែលហៅថាគុម្ពីស្លឹករឹទ្ធ សរសេដោយដៃនៅលើស្លឹករឹទ្ធជាមួយនឹងកាប្រុងប្រយត្ន័ជាទីបំផុត …(មានវីដេអូ)

ពេលថ្មីៗនេះមានគណនីហ្វេសប៊ុកមួយបានបង្ហោះថា ៖ ពួកគេជាអ្នករក្សាទុកនៅមរតកដូនតាខ្មែរដែលហៅថាគុម្ពីស្លឹករឹទ្ធ សរសេដោយដៃនៅលើស្លឹករឹទ្ធជាមួយនឹងកាប្រុងប្រយត្ន័ជាទីបំផុត ពីព្រោះបើមានកំហុសនៅលើពាក្យពេជ្យណាមួយ គឺពួកគេត្រូវបោះចោលហើយសរសេម្តងទៀត..I am so proud of them as they have done an amazing work and it was my very first time see this on my eye in realities “how they make…#គុម្ពីស្លឹករឹទ្ធ ៕ ការផលិតសាស្ត្រាស្លឹករឹទ្ធថ្មីនេះ គឺជាការគិតគូរមួយ ដើម្បីរក្សាទុកសម្រាប់កូនចៅជំនាន់ក្រោយអោយបានស្កាល់ថាជាស្នាដៃរបស់ខ្មែរ។

កាលពីថ្ងៃទី ២៨ ខែ កុម្ភះ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានផ្តល់កិត្តិយសឱ្យអ្នកនាង ភឿន ផាវី អាយុ៣០ឆ្នាំ និងម្តាយ រួមទាំងកូនតូច បានចូលជួបសំដែងការគួរសម និងលើកទឹកចិត្តចំពោះអ្នកនាងដែលចេះចារសាស្ត្រាស្លឹករឹទ្ធដែលស្ទើតែបាត់បង់អស់ទៅហើយនោះ។


សម្តេចតេជោ រីករាយសាទរ និងកោតសរសើរចំពោះការខិតខំប្រឹងប្រែងរបស់ អ្នកនាង ភឿន ផាវី ក្នុងការចារផលិតសាស្ត្រាស្លឹករឹទ្ធឡើងវិញនៅក្នុងខេត្តសៀមរាបនេះ។ សម្តេចតេជោ បានគាំទ្រ និងលើកទឹកចិត្តដល់គាត់ក្នុងការផលិតសាស្រ្តាស្លឹករឹទ្ឋឡើងវិញ និងបង្កើនការបណ្តុះបណ្តាលសិស្សានុសិស្សឱ្យចេះដឹងបានច្រើនដើម្បីរក្សាតម្លៃមរតកវប្បធម៍ខ្មែរ។

ការផលិតសាស្ត្រាស្លឹករឹទ្ធថ្មីនេះ គឺជាការគិតគូរមួយ ដើម្បីរក្សាទុកសម្រាប់កូនចៅជំនាន់ក្រោយអោយបានស្កាល់ថាជាស្នាដៃរបស់ខ្មែរ។ ទន្ទឹមនឹងនេះ សម្តេចតេជោ បានណែនាំឱ្យអ្នកនាង ភឿន ផាវី ប្រឹងប្រែងដុសខាត់សមត្ថភាពឱ្យកាន់តែល្អប្រសើរថែមទៀត ដើម្បីធ្វើឱ្យការផលិតស្លឹករឹទ្ធនេះកាន់តែមានគុណភាពល្អ។ សម្តេចតេជោ បានណែនាំឱ្យអ្នកផលិតស្លឹករឹទ្ធវ័យក្មេងរូបនេះប្រមូលផ្តុំអ្នកដែលធ្លាប់មានបទពិសោធន៍ ឬសមត្ថភាពធ្វើសាស្ត្រាស្លឹករឹទ្ធ ដើម្បីចូលរួមជាមួយគ្នាធ្វើឱ្យសង្វាក់នៃការផលិតសាស្ត្រាស្លឹករឹទ្ធបានឆាប់លឿននិងកាន់តែច្រើន។


ដើម្បីគាំទ្រ លើកទឹកចិត្តដល់អ្នកផលិតស្រ្តាស្លឹករឹទ្ឋ និងថែរក្សានូវកេរ្តិ៍មរតកដូនតាយើងអោយបានគង់វង្ស សម្តេចតេជោ ហ៊ុន សែន បានធានាទិញសាស្ត្រាស្លឹករឹទ្ធដែលផលិតបានទាំងអស់ក្នុងតម្លៃទ្វេជាពីរ។ តាមធម្មតាសាស្ត្រាស្លឹករឹទ្ធមួយច្បាប់លក់ក្នុងតម្លៃ ១២,០០០រៀល ប៉ុន្តែ សម្តេចតេជោ ទទួលទិញក្នុងតម្លៃ ២៥,០០០រៀល។ តាមរយៈការធានាទទួលទិញរបស់ សម្តេចតេជោ គឺនឹងធ្វើឱ្យគ្រួសាររបស់អ្នកនាង ផាវី មានការងារធ្វើកាន់តែច្រើនឡើងព្រមទាំងទទួលបាននូវប្រាក់ចំណូលសមរម្យដែលនឹងជួយសម្រួលដល់ជីវភាពរស់នៅរបស់គ្រួសារអ្នកនាងអោយកាន់តែប្រសើរឡើង៕


ប្រភព៖ Nathavi Kim

Leave a Reply

Your email address will not be published.