លោកជំទាវ អ៊ូ ធីតាពៅ ភរិយាឯកឧត្តម គួច ចំរើន បានឧបត្ថម្ភលោកតាពិកាជើងខាងស្តាំ ដែលតដាក់ជើងឈើ រួមទាំងថវិកាចំនួន…

រឿងរ៉ាវលោកតា ពិការជើងខាងស្ដាំម្នាក់ ដែលមានជីវភាពក្រីក្រ និងមិនមានលិទ្ធភាពទិញជើងសប្បនិម្មិតសម្រាប់ដើរដូចគេទេ ដោយគាត់បានកែឆ្នៃ ដោយបានយកឈើ និងដែកលួសរួមផ្សំគ្នា ដើម្បីបានជាជើងឈើសប្បនិម្មិតមួយ សម្រាប់ធ្វើជាមធ្យោបាយក្នុងការដើរ។ក្នុងនោះដែរ យោងតាមរយៈគេហទំព័រ ហ្វេសប៊ុកមួយមានឈ្មោះ Phorn Chetra បានសរសេររៀបរាប់ប្រាប់ឱ្យដឹងដែរថា៖

”អាណិតណាស់ សូមបងប្អូនសប្បុរសជនជួយជើងជ័រដល់គាត់មួយផង លោកពូឈ្មោះ (ក្រែង ខាន) រស់នៅភូមិ ពូរ៉ាប៉ែត ឃុំក្រងតេះ ស្រុកពេជ្រដា ខេត្តមណ្ឌលគិរី គាត់ពិកាជើងខាងស្ដាំគាត់ប្រើជើងឈើដែលគាត់ធ្វើដោយខ្លួនឯង ពេលគាត់ធ្វើដំណើរទៅណាម្ដងៗមានការពិបាកណាស់ និងមានការឈឺចាប់ទៀតផង ខ្ញុំសង្ឃឹមថាបងប្អូននឹងជួយគាត់។ សូមអរគុណ”។

យ៉ាងណាមិញ បន្ទាប់ពីឃើញទុក្ខលំបាក និងភាពពិការរបស់លោកតាខាងលើរួចមក លោកជំទាវ អ៊ូ ធីតាពៅ ភរិយា ឯកឧត្ដម គួច ចំរើន អភិបាល នៃគណៈអភិបាលខេត្ដព្រះសីហនុ បានប្រកាសស្វែងរកលោកតាខាងលើ ប្រសិនបើមានបងប្អូនណាស្គាល់លោកតានោះ សូមជួយទំនាក់ទំនងមកកាន់លោកជំទាវ ព្រោះលោកជំទាវចង់ជួយផ្តល់ជើងសិប្បនិមិត្មជូនលោកតាពិការនេះ។


ដោយឡែក ស្រាប់តែមុននេះបន្ដិច នាថ្ងៃទី២៥ ខែវិច្ឆិកា ឆ្នាំ២០១៩ បន្ទាប់ពីការប្រកាសស្វែងរកលោកតាខាងលើរួចមក យោងតាមរយៈគេហទំព័រ ហ្វេសប៊ុកផេក លោក ផែង វណ្ណៈ បានសរសេរប្រាប់ឱ្យដឹងពីដំណឹងល្អមួយថា៖”មិនសរសេីរមិនបាន​ ស្វាមី​ជាមន្ត្រី​ល្អ​ហេីយ​ ភរិយា​ចិត្តធម៌ទៀត​។

បន្ទាប់ពី​បានទទួលដំណឹងថា​ លោកតា​ ក្រែង​ ខាន​ អាយុ​ ៧០​ឆ្នាំ​ ជនជាតិ​ភាគតិច​ព្នង​ ពិការ​ជេីង​រស់នៅ​ក្នុង​ជីវភាព​ក្រីក្រ​ នៅភូមិ​ ពូរ៉ាប៉ែត​ ឃុំ​ ក្រង់តេះ​ ស្រុក​ ពេជ្រាដា​ ខេត្ត​ មណ្ឌលគីរី​ លោកជំទាវ​ អ៊ូ​ ធីតា​ពៅ​ ភរិយា​ ឯកឧត្តម​ គួច​ ចំរើន​ អភិបាល​ខេត្ត​ព្រះ​សីហនុ​ បានឧបត្ថម្ភលោកតាចំនួន​ ១០០០​ដុល្លារ​។ ថវិកា​នេះត្រូវ​បានលោក​ ខឹម​ សុផុន​ ប្រធាន​មន្ទីរ​សង្គមកិច្ច​ អតីតយុទ្ធជន​ និង​ យុវនិតិ​សម្បទា​ ខេត្តមណ្ឌលគិរី​ យកទៅប្រគល់ជូនលោកតាដោយផ្ទាល់ដៃ​។

ប្រភព៖ khosja

Leave a Reply

Your email address will not be published.