គាំទ្រអត់បងប្អូន? យុទ្ធនាការ « ផ្ទះមួយអំពូលមួយ » ដើម្បីសុវត្ថិភាពភូមិឃុំ…
សៀមរាប៖ សព្វថ្ងៃនេះ ការតបណ្ដាញអគ្គីសនីបំភ្លឹផ្លូវ គឺមានការពេញនិយមមែនទែនពីសំណាក់បងប្អូនប្រជាពលរដ្ឋនៅតាមទីក្រុង និងតំបន់មួយចំនួនតែប៉ុណ្ណោះ រីឯតំបន់ខ្លះទៀតក៏ពុំទាន់បានដាក់ដែរ ។តោះថ្ងៃនេះមកអានអំពីយុទ្ធនាការផ្ទះមួយអំពូលមួយ របស់ លោក ឃឹម ហ្វីណង់ ដែលជាអភិបាលស្រុកបន្ទាយស្រីវិញម្ដង ។
គណនីរបស់លោកបានបង្ហោះថា៖ « #សាកគិតលេងបន្ទាយស្រីមានប្រហែល១មុឺនខ្នងផ្ទះ។ ប្រសិនបើមានយុទ្ធនាការគៀងគរអោយផ្ទះនីមួយៗ មានអំពូលភ្លើងសំរាប់បំភ្លឺនៅពេលយប់មួយ នៅមុខរបងផ្ទះរៀងៗខ្លួន ហើយយើងធ្វើវាបានស្រុះគ្នា ព្រមគ្នា គ្រប់ផ្ទះ គ្រប់ភូមិ គ្រប់ឃុំ ទូទាំងស្រុក ប្រហែលជាសុវត្ថិភាពភូមិឃុំអាចនឹងបានល្អប្រសើរជាងមុន ហើយគ្រោះថ្នាក់ចរាចរណ៍ក៏ប្រហែលជាអាចត្រូវបានកាត់បន្ថយដែរ។
តើយើងគួរធ្វើដូចម្តេចទើបអាចសំរេចបានគោលបំណងនេះ? អ្នកណាខ្លះពាក់ពន្ធ័និងគួរចូលរួម? មានគុណសម្បត្តិនិងគុណវិបត្តិអ្វីខ្លះ? គួរដាក់ឈ្មោះអី? »។យ៉ាងណាដែរប្រិយមិត្តបេីមានយុទ្ធនាការបែបនេះកេីតឡេីងនៅក្នុងភូមិ ឃុំ របស់អ្នកទាំងអស់គ្នា តេីមានការគិតដូចម្ដេចដែរចំពោះយុទ្ធនាការដ៏ល្អមួយនេះ ហេីយចំណាយមិនច្រេីននោះទេត្រឹមតែអំពូលមួយដេីម្បីសុវត្ថិភាពទាំងអស់គ្នា៕
