សុំសរសើរទឹកចិត្តគាត់មែន!! ជួយជម្រើសជាតិកម្ពុជាមិនយកលុយហើយ ឆ្លៀតទៅវិនិយោគជួយកសិករខ្មែរទៀត

កីឡាករ​បាល់ទាត់​អាជីព​ល្បីឈ្មោះ​របស់​ប្រទេស​ជប៉ុន​ ​គឺ​លោក​ ​ ​កេស៊ូ​កិ​ ​ហុងដា​ ​(​Keisuke​ ​Honda​)​ ​ ​ដែល​ជា​គ្រូបង្វឹក​ជម្រើសជាតិ​បាល់ទាត់​កម្ពុជា​ផង​ដែរ​នោះ​ ​បាន​ជំរុញ​ ​លើកទឹកចិត្ត​ដល់​កសិករ​កម្ពុជា​ ​ក្នុង​ការ​ប្រកបរបរ​កសិកម្ម​ ​ដោយ​បាន​ផ្ដល់​ពានរង្វាន់​លើកទឹកចិត្ត​ដល់​ ​កសិករ​ដែល​ស្ថិត​ក្នុង​គម្រោង​របស់​ក្រុមហ៊ុន​ ​អេ​ហ្គ្រី​បា​ឌី​ ​(​Agribuddy​)​។

​លោក​ ​កេស៊ូ​កិ​ ​ហុងដា​ ​គឺជា​វិនិយោគិន​មួយ​រូប​ ​ហើយក៏​ជា​ទូត​សុច្ឆន្ទៈ​របស់​ក្រុមហ៊ុន​ ​អេ​ហ្គ្រី​បា​ឌី​ ​ ​ដែល​ជា​ក្រុមហ៊ុន​ជប៉ុន​ ​ធ្វើ​ប្រតិបត្តិ​ការ​ក្នុង​បំណង​លើកកម្ពស់​ស្ថានភាព​សេដ្ឋកិច្ច​គ្រួសារ​ ​និង​កម្រិតជីវភាព​រស់នៅ​របស់​កសិករ​ខ្នាត​តូច​ក្នុង​ប្រទេស​កម្ពុជា​ ​និង​ឥណ្ឌា​ ​។​​


​បច្ចុប្បន្ន​ ​អេ​ហ្គ្រី​បា​ឌី​ ​ស្ថិត​ក្នុងចំណោម​ក្រុមហ៊ុន​ចំនួន​ពីរ​ ​ដែល​ទទួល​បានការ​វិនិយោគ​ច្រើនជាង​ ​គេ​បំផុត​ពី​មូលនិធិ​អ្នក​វិនិយោគ​ ​KSK​ ​ដែល​ជា​មូលនិធិ​វិនិយោគ​មួយ​ ​បង្កើត​ឡើង​ដោយ​ ​លោក​ ​ ​កេស៊ូ​កិ​ ​ហុងដា​ ​ផ្ទាល់​។​​

​នៅក្នុង​ដំណើរ​ទស្សនកិច្ច​ ​នៅ​ឯ​ការិយាល័យ​ក្រុម​ហ៊ុន​អេ​ហ្គ្រី​បា​ឌី​ ​ប្រចាំ​ប្រទេស​កម្ពុជា​ ​លោក​ ​កេស៊ូ​កិ​ ​ហុងដា​ ​បាន​ផ្ដល់​ពានរង្វាន់​ដល់​កសិករ​ឆ្នើម​ ​និង​សហគ្រិន​(​បា​ឌី​)​ឆ្នើម​ ​ក្រោម​គម្រោង​ ​អេ​ហ្គ្រី​បា​ឌី​ ​ដែល​កំពុង​ធ្វើ​ប្រតិបត្តិ​ការ​នៅក្នុង​បណ្ដា​ខេត្ត​ចំនួន​ ​៧​ ​គឺ​ ​ពោធិ៍សាត់​ ​បាត់ដំបង​ ​ប៉ៃលិន​ ​បន្ទាយមានជ័យ​ ​ឧត្តរមានជ័យ​ ​សៀម​ ​រាប​ ​និង​កំពង់ធំ​ ​ដោយ​ផ្ដោត​លើ​ដំណាំស្រូវ​ ​ពោត​ ​និង​ ​ដំឡូងមី​​។​​

​លោក​ ​ស៊ិន​ ​សេរី​វុឌ្ឍ​ ​ដែល​ជា​កសិករ​ឆ្នើម​មួយ​រូប​ ​បាន​និយាយ​ថា​៖​ ​“​ខ្ញុំ​ពិតជា​ត្រេកអរ​ណាស់​ ​ដែល​ត្រូវ​បាន​ជ្រើសរើស​ជា​កសិករ​ឆ្នើម​នៅក្នុង​គម្រោង​ ​អេ​ហ្គ្រី​បា​ឌី​ ​ហើយ​ទន្ទឹម​នឹង​នេះ​ ​ក៏​ជួយ​ផ្ដល់​ជា​កម្លាំងចិត្ត​ឱ្យ​ខ្ញុំ​ប្រឹងប្រែង​ធ្វើ​កសិកម្ម​បន្ត​ទៅទៀត​”​។

​ចំណែក​ឯ​ ​លោក​ ​អួង​ ​នូច​ ​ដែល​ជា​សហគ្រិន​ ​(​បា​ឌី​)​ ​វិញ​ ​បាន​និយាយ​ថា​៖​ ​“​ការដែល​លោក​ ​ទទួល​បានការ​ទទួលស្គាល់​ដូច្នេះ​ ​ក៏ដោយ​សារ​ ​តែ​បាន​ចូលរួម​ជាមួយនឹង​គម្រោង​របស់​ក្រុមហ៊ុន​ ​ ​អេ​ហ្គ្រី​បា​ឌី​ ​ដែល​បាន​ផ្ដល់​ជា​ការណែនាំ​ផ្នែក​បច្ចេកទេស​ ​ក៏ដូចជា​ ​សម្របសម្រួល​ទុន​ដើម្បី​ឱ្យ​ ​ខ្លួន​គាត់​ ​និង​កសិករ​ ​នៅក្នុង​ក្រុម​របស់​គាត់​ ​មានលទ្ធភាព​យក​ទៅ​ប្រើប្រាស់​ក្នុង​ការ​ប្រកបរបរ​ ​កសិកម្ម​នេះ​”​។

​លោក​ ​កេស៊ូ​កិ​ ​ហុងដា​ ​ជា​ជន​គំរូ​ម្នាក់​ ​មិនថា​ ​ក្នុងនាម​ជា​កីឡាករ​បាល់ទាត់​ដ៏​ល្បីឈ្មោះ​ប៉ុណ្ណោះទេ​ ​ប៉ុន្តែ​ក៏​ជា​ឥស្សរ​ជ​នដែលចួល​រួម​នៅក្នុង​សកម្មភាព​មនុស្សធម៌​ ​និង​វិស័យ​អប់រំ​ ​និង​ជា​សហគ្រិន​ ​ក៏ដូចជា​អ្នក​បោះទុន​វិនិយោគ​ក្នុង​អាជីវកម្ម​បង្កើត​ថ្មី​ៗ​ផង​ដែរ​។ ​ទន្ទឹម​នឹង​នេះ​ ​លោក​ ​កេស៊ូ​កិ​ ​ ​បាន​បង្កើត​សាលា​ហ្វឹកហាត់​បាល់ទាត់​ចំនួន​ ​៨០កន្លែង​ ​ទូទាំង​ ​សកលលោក​ ​ហើយក៏​ជា​អ្នក​វិនិយោគ​ដ៏​មាន​ឥទ្ធិពល​ម្នាក់​នៅក្នុង​វិស័យ​អាជីវកម្ម​បង្កើត​ថ្មី​ៗ​ផង​ដែរ​។

​សូមជម្រាប​ថា​ ​អេ​ហ្គ្រី​បា​ឌី​ ​គឺជា​ក្រុមហ៊ុន​បច្ចេកវិទ្យា​កសិកម្ម​មួយ​ ​ដែល​គិត​ត្រឹម​ពាក់កណ្ដាល​ឆ្នាំ​ ​២០១៩​ ​បាន​ធ្វើការងារ​ជាមួយនឹង​កសិករ​រាប់ពាន់​នាក់​ ​ ​ដោយ​បាន​សម្របសម្រួល​ទុន​ដល់​កសិករ​ដែល​ត្រូវការ​ទុន​សម្រាប់​ការងារ​ផលិតកម្ម​កសិកម្ម​ ​និង​សម្របសម្រួល​ទីផ្សារ​សម្រាប់​កសិផល​របស់​ពួកគាត់​ ​តាមរយៈ​ការ​សហការ​ជាមួយនឹង​រោងម៉ាស៊ីន​កិនស្រូវ​ ​និង​អ្នកទិញ​កសិផល​ ​នានា​៕

ប្រភព៖ ហ្វេសប៊ុក Town News

Leave a Reply

Your email address will not be published.