រកអុសប្រទះឈើងាប់!! ហើយបើកុំគេប្រាប់ទាន់ ម៉្លេះសមកសិករក្រីក្រនេះដុតប្រាក់រាប់ម៉ឺនដុល្លារចោលបាត់…

ចិន៖ បុរសត្រកូល Lee ម្នាក់រស់នៅខេត្ត ស៊ីឈួន ប្រទេសចិន រៀងរាល់ពេលទំនេរ គាត់តែងឡើងភ្នំ រកអុសសន្សំទុកប្រើប្រាស់រដូវរងារ ។ ថ្មីៗនេះ លោកឡើងភ្នំអុសដូចសព្វមួយដង ក៏ប្រទះឃើញឈើ១គល់នៅក្រហែងថ្មមានរាង ដូចស្នាមមេអំបៅ គាត់ក៏គាស់យកវាមកផ្ទះ ។

មកដល់ផ្ទះ គាត់យកគល់ឈើនោះមកគិតពុះជ្រៀកជាបំណែកតូចៗ ដើម្បីបង្កាត់ភ្លើង ក៏មានមិត្តភក្តិម្នាក់មកលេង ។ គាត់ជាជាងឈើ ។ ពេលសម្លឹងឃើញឈើនោះ ក៏ប្រាប់ថា កុំៗ! លោកកុំពុះជ្រៀកឲ្យសោះ វាមានតម្លៃថ្លៃណាស់ ។

នេះគេហៅថា ដើម Thuja (ឈ្មោះវិទ្យាសាស្ត្រ Thuja Sutchue-nensis ) -មានតែនៅកូរ៉េខាងជើង ជប៉ុន អាមេរិកខាងជើង ។ នៅចិនមានតែខេត្តស៊ីឈួននេះទេ ។មិត្តភក្តិរបស់លោកក៏បានផ្សាយព័ត៌មាននេះ ។ ភ្លាមៗនោះ មានឈ្មួញឈើជាច្រើនមកចរចារសុំទិញ ។ តម្លៃចុងក្រោយ គឺ ៦០,០០០ ដុល្លារ ។

លោក Lee ស្មានមិនដល់ថា ក្នុងមួយប៉ប្រិចភ្នែក លោកក្លាយជាអ្នកមានដូច្នេះសោះ ។ដើម Thuja នៅជប៉ុនៗ គេហៅថា «វីតាមីនបរិយាកាស» ព្រោះវាត្រូវបានគ្រូពេទ្យបូរាណប្រើប្រាស់សំរាប់ជំនួយព្យាបាលជំងឺមហារីក ។ ពិសេសស្លឹករបស់ឈើនេះ វាធ្វើឲ្យអារម្មណ៍មនុស្សធូរស្រាល ប្រព័ន្ថការងាររាងកាយរបស់អ្នកជំងឺមានការកែសម្រួលប្រសើរឡើង ទើបវាថ្លៃបែបនេះ ។រាជវង្សបូរាណចិននិយមប្រើវាធ្វើជាវត្ថុចម្លាក់ ឬ កិនម៉ត់ជាម្សៅ ដើម្បីលាយទឹកងូតបំណងរក្សាសម្រស់៕