រំជួលចិត្តយ៉ាងខ្លាំង!! និស្សិតបញ្ចប់ការសិក្សាលុតជង្គង់សំពះដល់បាតជើងឪពុកជាអ្នកបើកឡានសំរាម
និស្សិតទើបបញ្ចប់ការសិក្សាពីសាកលវិទ្យាល័យជូឡាឡុងកនម្នាក់ បានធ្វើឲ្យមនុស្សជាច្រើនរំជួលចិត្តយ៉ាងខ្លាំង ក្រោយបង្ហាញការគោរពដល់ឪពុកជាអ្នកបើកឡានដឹកសំរាមដោយលុតជង្គង់សំពះដល់បាតជើង។នេះជាអ្វីដែលនិស្សិតទើបបញ្ចប់ការសិក្សាឈ្មោះ Klanarong Srisakul បានសរសេរ៖
«ពេលខ្ញុំនៅក្មេង, ច្រើនលើកច្រើនសាណាស់ដែលខ្ញុំមានអារម្មណ៍ថាខ្មាសគេ ព្រោះលោកប៉ារបស់ខ្ញុំ… ខ្ញុំសួរខ្លួនឯងថា ហេតុអ្វីគាត់មិនស្លៀកពាក់ស្អាតបាតដូចប៉ារបស់មិត្តភក្តិខ្ញុំ ដែលសុទ្ធតែជាប៉ូលិស និងទាហាន… ពេលខ្ញុំកាន់តែចាស់ ទើបខ្ញុំដឹងថាប៉ារបស់ខ្ញុំ និងខ្ញុំត្រូវចែករំលែកក្ដីស្រមៃគ្នា។ គាត់ត្រូវឈប់រៀនត្រឹមថ្នាក់ទី៤ ហើយប្រាប់ខ្ញុំថា បំណងប្រាថ្នារបស់គាត់ចង់ឃើញកូនបានសិក្សា។
បន្ទាប់ពីនោះមក ខ្ញុំចង់ក្លាយជាទាហាន, ប៉ុន្តែប្រលងធ្លាក់។ ខ្ញុំគិតថា ប៉ារបស់ខ្ញុំប្រហែលជាមិនយំទេ តែក្រោយមកទើបខ្ញុំដឹងថា គាត់លួចយំយ៉ាងស្ងាត់ៗ។ នៅពេលលទ្ធផលប្រលងចូលសាកលវិទ្យាល័យប្រកាស ប៉ាខ្ញុំបានសុំគេឈប់មួយថ្ងៃ ដើម្បីទៅមើល។ ប៉ាខ្ញុំបានស្រក់ទឹកភ្នែក… វាជាមោទនភាពខ្លាំងបំផុតសម្រាប់គ្រួសារដ៏តូចរបស់ខ្ញុំ។
ពេលខ្ញុំរៀនឆ្នាំទី៤ ប៉ាសួរខ្ញុំថា តើខ្មាសគេទេដែលមានគាត់ជាឪពុក, ហើយគាត់ជាមនុស្សសន្សំច្រើននោះ? ខ្ញុំគ្មានពាក្យអ្វីនិយាយទាល់តែសោះ។ ពេលនេះ ខ្ញុំចង់អរគុណប៉ារបស់ខ្ញុំដែលគាំទ្រគ្រប់បែបយ៉ាង។
អរគុណសម្រាប់ភាពហត់នឿយ ទឹកភ្នែក និងពេលវេលាមិនសប្បាយចិត្តជាមួយគ្នា។ ពេលនេះ ខ្ញុំចង់ឲ្យប៉ារីករាយជាមួយភាពជោគជ័យរបស់យើង។ ប៉ាលែងមានអារម្មណ៍ខ្មាស់គេហើយ ព្រោះប៉ាជាជាប៉ាលេខមួយរបស់កូន… កូនពិតជាមានមោទនភាពណាស់ចំពោះប៉ា។»