យល់ដឹងក៏ជារឿងល្អប្រសើរដែរ!! វិធីសង្គ្រោះបឋមពេលខ្សែភ្លើងឆក់

គ្រោះថ្នាក់​នៃ​ការ​ឆក់​ចរន្តអគ្គិសនី អាស្រ័យទៅលើ​ប្រភេទ​នៃ​ចរន្ត​ភ្លើង កម្រិត​បន្ទុកអគ្គិសនី របៀប​ដែល​ចរន្តអគ្គិសនី​ធ្វើដំណើរ​ឆ្លងកាត់​រាងកាយ សុខភាព​ទូទៅ​របស់​អ្នករងគ្រោះ និង​ភាព​ឆាប់រហ័ស​ដែល​បុគ្គល​នោះ​ត្រូវ​បានទទួល​ការជួយ​សង្គ្រោះ និង​ព្យាបាល។

សូម​ហៅ​ទូរ​សព្ទ​ទៅកាន់​លេខ​សង្គ្រោះបន្ទាន់​នៅក្នុង​មូលដ្ឋាន​ដែល​នៅ​ជិត​អ្នក​បំផុតភ្លាមៗ ប្រសិនបើ​អ្នកឃើញ​គេ​ឆក់​ខ្សែភ្លើង ហើយ​មាន​រោគសញ្ញា​ទាំងនេះ​កើតមានឡើង៖

បេះដូង​ឈប់​លោត, ចង្វាក់បេះដូង​លោត​ខុស​ចង្វាក់,បញ្ហា​ផ្លូវដង្ហើមការឈឺចាប់​សាច់ដុំ និង​ការ​កន្ត្រាក់​សាច់ដុំ,មាន​រលាក ប្រកាច់ ស្ពឹក និង​មាន​អារ​ម្មរណ៍​ថា មាន​អ្វី​ចាក់​លើ​ស្បែក បាត់បង់​ស្មារតី (សន្លប់)។

ខណៈដែល​អ្នក​កំពុង​រង់ចាំ​ជំនួយ​ពី​គ្រូពេទ្យ សូម​អនុវត្តតាម​ជំហាន​ខាងក្រោម ៖ដំបូង​បំផុត គឺ​ក្រឡេកមើល​ជុំវិញ​ជនរងគ្រោះ ហើយ​មិនត្រូវ​ប៉ះពាល់​ជនរងគ្រោះ​ឡើយ ៖ ដោយសារ​ជនរងគ្រោះ​អាច​នៅតែមាន​ការប៉ះពាល់​ទៅនឹង​ប្រភព​អគ្គិសនី ការ​ប៉ះ​ជនរងគ្រោះ​ភ្លាម​អាច​ចម្លង​ចរន្ត​មក​អ្នក​បាន។បិទ​ប្រភព​នៃ​អគ្គិសនី ប្រសិនបើ​អាចធ្វើ​ទៅបាន៖

ប្រសិនបើ​មិនអាច​នោះទេ ចូរ​យក​ប្រភព​អគ្គិសនី​ចេញ​ឲ្យ​ឆ្ងាយ​ពី​អ្នក និង​ជនរងគ្រោះ ដោយ​ប្រើ​វត្ថុ​ស្ងួត​មិន​ចំលង​ចរន្តអគ្គិសនី (ធ្វើឡើង​ពី​ប្លា​ស្ទិ​ច ឬ​ឈើ)។ពិនិត្យ​រក​សញ្ញា​នៃ​ចរន្តឈាម​រត់ (ការដកដង្ហើម ក្អក ឬ​ចលនា) ប្រសិនបើ​មិនមាន​នោះទេ សូម​ចាប់ផ្តើម​សង្គ្រោះ​បេះដូង និង​ការដកដង្ហើមភ្លាម។ការពារ​ការចុះ​សម្ពាធ​ឈាម ៖ ដាក់​ជនរងគ្រោះ​ចុះ ហើយ​ប្រសិនបើ​អាចធ្វើ​ទៅបាន ដាក់​ក្បាល​ឲ្យ​ទាប​ជាង​ដងខ្លួន និង​លើកជើង​ឲ្យ​ខ្ពស់ជាង​បន្តិច។

បន្ទាប់ពី​បាន​ឆក់​ចរន្តអគ្គិសនី បុគ្គល​នោះ​គួរតែ​ទៅ​ជួបនឹង​គ្រូពេទ្យ ដើម្បី​ពិនិត្យមើល​ការរង​របួស​ផ្នែក​ខាងក្នុង​រាងកាយ បើទោះបីជា​មិនមាន​រោគសញ្ញា​ជាក់ស្តែង​ក៏ដោយ។

ការប្រុងប្រយ័ត្ន កុំ​ប៉ះ​ជនរងគ្រោះ​ដោយ​ដៃទទេ ប្រសិនបើ​គាត់​នៅតែមាន​នៅតែមាន​ប៉ះពាល់​នឹង​ចរន្តអគ្គិសនី។កុំ​នៅក្បែរ​ខ្សែភ្លើង​ដែលមាន​បន្ទុកខ្ពស់ៗរហូតដល់​វា​ត្រូវបាន​បិទ។ នៅ​ឲ្យ​ឆ្ងាយ​យ៉ាងហោចណាស់ ៧ម៉ែត្រ ប្រសិនបើ​មាន​ដាច់​ខ្សែភ្លើង។កុំ​លើក​ជនរងគ្រោះ​ចុះឡើង លុះត្រាតែ​បុគ្គល​ម្នាក់​នោះ​ស្ថិតនៅក្នុង​គ្រោះថ្នាក់​ជាបន្ទាន់៕

Leave a Reply

Your email address will not be published. Required fields are marked *