ដំណឹង​ល្អ​! យុទ្ធនា​ការចាក់​វ៉ាក់សាំង​ទ្រង់ទ្រាយ​ធំ នឹង​ចាប់ផ្ដើម​នាពេលខាងមុខ​នេះហើយ

មានប្រសាសន៍​តាមរយៈ​សារ​ជា​សំឡេង​នា​ព្រឹក​ថ្ងៃទី​២៩ ខែមីនា ឆ្នាំ​២០២១​នេះ សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​លើកឡើងថា នាពេល​ខាង មុខ​នេះ យុទ្ធនា​ការចាក់​វ៉ាក់សាំង​របស់​យើង​នឹងធ្វើ​ក្នុង​ទ្រង់ទ្រាយ​ធំ ហើយនឹង​មាន​អន្តរាគមន៍ ពី​គ្រូពេទ្យ​ថ្នាក់ជាតិ​ចូលរួម​ផងដែរ​។​

​បើតាម​សម្ដេច​តេ​ជោ ហ៊ុន សែន តាម​គម្រោង​របស់​យើង​ក្នុង​មួយខែ​ត្រូវ​ចាក់​ឲ្យ​បាន​មួយ​លាន​ដូ​ស ពីព្រោះ​វាក់​សាំង​ទាំង​ទិញ និង​ជំនួយ នឹង​មកដល់​ជា បន្តបន្ទាប់ ដូច្នេះ​វាក់​សាំង​ត្រូវ​បញ្ជូនទៅ​ចាក់ឱ្យ​ប្រជាពលរដ្ឋ​។ ជាមួយគ្នា​នោះ​សម្តេច​បានស្នើ​ឲ្យ អភិបាលខេត្ត​ទាំងអស់ ទទួលខុសត្រូវ កន្លែង​ស្នាក់នៅ​របស់​ក្រុមគ្រូពេទ្យ​ពី​ថ្នាក់ជាតិ​។​

​សម្ដេច​បាន​បញ្ជាក់ដែរថា សព្វថ្ងៃនេះ​ផ្ទះសំណាក់ ក៏ដូចជា​សណ្ឋាគារ​នៅសល់​ច្រើន ដែល​អាជ្ញាធរ​អាច​ពឹងពាក់​ឲ្យ​ក្រុមគ្រូពេទ្យ​របស់​យើង​ស្នាក់​នៅបាន ចៀសវាង​យក​ថវិកា​ទៅ​ជួល ហើយ​ក្រុមគ្រូពេទ្យ​ពី​ថ្នាក់ជាតិ ដែល​ចុះ​ទៅតាម​បណ្ដា​ខេត្ត គឺ​ថ្នាក់ជាតិ​ជា​អ្នកទទួលខុសត្រូវ​លើ​ការចំណាយ ដូចជា​ការធ្វើដំណើរ និង​ការហូបចុក ចំណែក​ការ​ស្នាក់នៅ អាជ្ញាធរខេត្ត​ជា​អ្នកទទួលខុសត្រូវ​។ សម្ដេច​មានជំនឿថា ម្ចាស់ផ្ទះ​សំណាក់ និង​សណ្ឋាគារ ពិតជា​មិន​ចិត្ត​អា ក្រក់​ទេ ត្រឹមតែ​ការ​ស្នាក់នៅ​របស់​ក្រុមគ្រូពេទ្យ ដើម្បី​ជួយ​ប្រជាពលរដ្ឋ បែប​មនុស្សធម៌​នេះ ហើយ​ដំណើរ​ការចាក់​វ៉ាក់សាំង​នេះ នឹង​ខិតខំ​ធ្វើ មិន​ឲ្យ​អូសបន្លាយ​ពេលវេលា​យូរ​ទេ​។​

​សម្តេច​តេ​ជោ​ក៏​ទទួលបាន​ព័ត៌មាន​ផងដែរ​ថា នៅតាម​ខេត្ត​បានរៀបចំ​កន្លែង​ចាក់ សាំង​បាន​សមរម្យ ដែលមាន​ជាង​៣០០ កន្លែង​រួចហើយ​។ សម្តេច​បន្តថា មកដល់ពេលនេះ​យើង​មាន​បញ្ហា​តែ​គ្រូពេទ្យ​ប៉ុណ្ណោះ ហើយ​សម្ដេច​បាន​ប្រាប់​ឱ្យ​រក​គ្រូពេទ្យ​នៅ​មូលដ្ឋាន ទាំង​ពេទ្យ​រដ្ឋ និង​ឯកជន ប៉ុន្តែ​ការរក​គ្រូពេទ្យ​នោះ មិន​ធ្វើ​ឲ្យ​ប៉ះពាល់​សេវាសាធារណៈ ដែល​ពួកគាត់​ត្រូវ​ព្យាបាល​ជំងឺ​ទូទៅ​ជូន​ដល់​ប្រជាពលរដ្ឋ​នោះឡើយ​៕

អត្ថបទ៖ កោះ​កែវ
ប្រភពពី កម្ពុជាថ្មី

Leave a Reply

Your email address will not be published. Required fields are marked *