អ្នកគ្រប់គ្រងការផ្សាយរបស់ទូរទស្សន៍ «TOWN» លោក ហាក់ សុខហេង មាន «វិជ្ជមានកូវីដ-១៩» បន្ទាប់ពីបានប៉ះពាល់ផ្ទាល់ជាមួយលោក ចាន់ មករា!

(ភ្នំពេញ)៖ លោក ហាក់ សុខហេង ដែលគេស្គាល់ថា ជាអ្នកគ្រប់គ្រងការផ្សាយរបស់ទូរទស្សន៍ TOWN បានបញ្ជាក់ថា ខ្លួនមានវិជ្ជមានចំពោះកូវីដ-១៩ បន្ទាប់ពីបានប៉ះពាល់ផ្ទាល់ជាមួយអតីតគូស្នេហ៍របស់ ដេននី ក្វាន់ គឺលោក ចាន់ មករា។

លោក ហាក់ សុខហេង បានថ្លែងប្រាប់ Fresh News Plus នៅមុននេះបន្តិចថា លោកពិតជាមានវិជ្ជមាន-១៩ ពិតមែន ប៉ុន្តែខណៈនេះក្រុមគ្រូពេទ្យកំពុងតែដឹកលោកទៅកាន់មន្ទីរពេទ្យរុស្សី។

លោកបានបន្តថា ពេលនេះលោកកំពុងទាក់ទងទៅកាន់ក្រុមគ្រួសារ ដើម្បីឲ្យបានដឹងពីស្ថានភាពរបស់លោក ប៉ុន្តែចំពោះការសម្រាកព្យាបាលនៅកន្លែងណាឲ្យប្រាកដនោះ គឺលោកមិនទាន់ដឹងឡើយ។ លោកថ្លែងប្រាប់ Fresh News Plus បែបនេះ ពេលកំពុងស្ថិតក្នុងរថយន្តពេទ្យ។

លោក ហាក់ សុខហេង ជាអ្នកគ្រប់គ្រងការផ្សាយរបស់ទូរទស្សន៍ TOWN មានអាយុ៤២ឆ្នាំ រស់នៅផ្ទះលេខ៩ ផ្លូវជាតិលេខ១ សង្កាត់ច្បារអំពៅទី១ ច្បារអំពៅ បានរកឃើញវិជ្ជមានកូវីដ-១៩ ក្រោយបានប៉ះពាល់ជាមួយម្ចាស់ឃ្លាំងឡាន CMR ចាន់ មករា។

គួរជម្រាបថា គិតត្រឹមថ្ងៃទី១៥ ខែមីនា ឆ្នាំ២០២១នេះ មានអ្នកសិល្បៈរកឃើញវិជ្ជមានកូវីដ-១៩ សរុបចំនួន ១២នាក់ហើយ សរុបទាំងលោក ហាក់ សុខហេង ដែលជាអ្នកគ្រប់គ្រងការផ្សាយរបស់ទូរទស្សន៍ TOWN ដែលមានជំងឺកូវីដឥ១៩ ក្នុងនោះរួមមាន៖ អ្នកដឹកនាំសម្តែង លោក ទីតូ , ពិធីការិនី កែវ ចាន់និមល និងគ្រួសារ, លោក ណុប បាយ៉ារិទ្ធ, កញ្ញា វី ឌីណែត, តារាចម្រៀង អ្នកនាង សុគន្ធ នីសា, លោក Eco Vak Song (សុង វណ្ណា) ដែលជា ផលិតករ និងជាអ្នកដឹកនាំម្នាក់របស់ហង្សមាស, លោក វ៉ែន វណ្ណា (លី ស៉ីនហួន) អ្នកនិពន្ធនិងដឹកនាំថតចម្រៀង, តារាកំប្លែង សេង ចិន្តា (ស្រីអ៉ីត), លោក ចាន មករា អតីតអ្នកដឹកនាំសម្តែង, ក្រុមរាំរបស់ អ្នកនាងសុគន្ធ នីសា និងលោក សាន សុវណ្ណឌីន គ្រូភ្លេងនៅហង្សមាស៕

 

Leave a Reply

Your email address will not be published. Required fields are marked *