​តារា​ទ្រព្យ​រយ​លាន​មែន​ពិត តែ Liu Yifei នៅ​តែ​ប្រើ​របស់​មួយ​នេះ ១៨​ឆ្នាំ​មក​ហើយ!

ក្នុង​នាម​ជា​អ្នក​តំណាង​របស់​ប្រេន​លំដាប់​ខ្ពស់ Louis Vuitton និង​មាន​អចលនទ្រព្យ​រាប់​មិន​អស់​ក៏​ដោយ តែ​កំពូល​តារា​សម្ដែង​ស្រីចិន Liu Yifei នៅ​តែ​មាន​ការ​រស់​នៅ​បែប​សន្សំសំចៃ ដោយ​ប្រើ​របស់​មួយ​បាន​ជិត​២០​ឆ្នាំ។

នៅ​ក្នុង​ពិភពសិល្បៈ​ចិន តារា​សម្ដែង​ស្រី​ Liu Yifei ត្រូវ​បាន​ចាត់​ទុក​ថា​​សិល្បការិនី​លំដាប់ A និង​មាន​មាន​តម្លៃ​ខ្លួន​ខ្ពស់​ស្មាន​មិន​ដល់។ បណ្ដាញ​ព័ត៌មាន Sina បាន​ឲ្យ​ដឹង​ថា តាំង​ពី​ឆ្នាំ ២០១១​ ដែល​ខ្លួន​ទើប​តែ​មាន​អាយុ ២៤​ឆ្នាំ​នោះ តម្លៃ​ខ្លួន​របស់​ស្រី​ស្អាត​រូប​នេះ​បាន​ឡើង​ដល់ ៤០​ម៉ឺនដុល្លារ​ទៅ​ហើយ។ មក​ទល់​ពេល​នេះ តម្លៃ​ខ្លួន​នេះ បាន​កើន​ឡើង​១០ ទៅ​២០​ដង​អាស្រ័យ​តាម​ស្នាដៃ​ដែល​នាង​ចូល​រួម។ ទន្ទឹម​នឹង​ចំណូល​ពី​សិល្បៈ តួ​សៀវ ឡុងនី​ក៏​ត្រូវ​បាន​ចាត់​ទុក​ថា រាជិនី​អចលនទ្រព្យ​ ដោយ​នាង​មាន​នៅ​ក្នុង​ដៃ ផ្ទះ និង​ដី​ជា​ច្រើន​កន្លែង​ក្នុង​ប្រទេស​ចិន និង​អាមេរិក។

យ៉ាងណាក្ដី នៅ​លើ​បណ្ដាញស​ង្គម​កាល​ពី​ពេល​ថ្មី​ៗ​នេះ គេ​សង្កេត​ឃើញ​ថា ស្រី​ស្អាត ៣៣ឆ្នាំ​បាន​ប្រើកៅអី​ក្រហម​មួយ​រយៈ​ពេល ១៨​ឆ្នាំ​មក​ហើយ។ តាម​នោះ​ដែរ កៅអី​នេះ​បាន​តាម​រូប​នាង​តាំង​ពី​ឆ្នាំ ២០០៣​មក​ម៉្លេះ។ ក្រៅ​ពី​នេះ​ដែរ ទោះ​បី​ជា​ខ្លួន​ជា​អ្នក​តំណាង​របស់​ប្រេន​ Louis Vuitton ក៏​ដោយ តែ​តួ​រឿង​និស្ស័យ​ស្នេហ៍​ទេវតា​៣​ជាតិ​បាន​ពាក់​អាវ​រងា​ពណ៌​ក្រហម​មួយ រយៈពេល​១០​ឆ្នាំ​ដូច​គ្នា។ តាម​នោះ​ដែរ រាល់​រដូវ​រងា​​មក​ដល់​ម្ដង​ៗ គេ​តែង​តែ​ឃើញ​តារា​កើត​ឆ្នាំ ១៩៨៧ ពាក់​អាវ​នេះរហូត ហើយ​មាន​គួប​ផ្សំ​នឹង​កៅអី​ក្រហម​នេះ​ផង​ដែរ។

ក្រោយ​ពេល​ឃើញ​ទិដ្ឋភាព​បែប​នេះ អ្នក​ប្រើ​បណ្ដាញសង្គម​បាន​លាន់​មាត់​ថា Liu Yifei គឺ​ជា​រាជិនី​សន្សំសំចៃ​តែ​ម្ដង ព្រោះ​កម្រ​មាន​អ្នក​ណា​ប្រើ​របស់​ជិត​២០​ឆ្នាំ​បែប​នេះ​ណាស់៕

ប្រភព៖ Kenh14 ប្រែ​សម្រួល៖ Caramel
ប្រភពពី kanha

Leave a Reply

Your email address will not be published. Required fields are marked *