វិធីសង្គ្រោះនិងការពារជីវិតពីគ្រោះថ្នាក់ដោយរន្ទះបាញ់!

ធាតុអាកាសមានការប្រែប្រួល គ្រោះធម្មជាតិតែងកើតមានជាយថាហេតុ ជាពិសេសក្នុងរដូវភ្លៀងធ្លាក់ តែងកើតមានខ្យល់កន្ត្រាក់ ផ្គរ រន្ទះ ជាញឹកញាប់។ ចូរបងប្អូនមានការប្រុងប្រយ័ត្នខ្ពស់ចំពោះគ្រោះថ្នាក់ជាយថាហេតុនេះ ដោយត្រូវអនុវត្តតាមវិធីសង្គ្រោះបឋម និងការពារ ដូចខាងក្រោម៖

វិធីសង្គ្រោះ ៖

– អ្នកសង្គ្រោះត្រូវពិនិត្យថា កន្លែងគ្រោះថ្នាក់មានសុវត្ថិភាពវិញហើយ រឺនៅ?
– បើស្ថានភាពជនរងគ្រោះពុំមានចលនាដង្ហើម គ្មានជីពចរ គ្មានរបួសលើឆ្អឹងកងទេ ការធ្វើចលនាបេះដូង ដង្ហើមត្រូវចាប់ផ្តើមភ្លាមៗ រហូតមានក្រុមសង្គ្រោះមកជួយ។

– ក្នុងករណីដែលរន្ទះបាញ់ចំមនុស្សមួយក្រុម ការសង្គ្រោះបឋមត្រូវធ្វើលើអ្នកគាំងបេះដូង និងដង្ហើមមុនគេ។
វិធីការពារ៖

– ពេលកំពុងបើកបររថយន្ត ត្រូវស្ថិតក្នុងរថយន្ត និងមិនត្រូវប៉ះវត្ថុចម្លង។
– បើនៅទីវាលគ្មានដើមឈើត្រូវអង្គុយចុះឲ្យឆ្ងាយៗពីគ្នា។

– មិនត្រូវជ្រកក្រោមដើមឈើ ៗ
– ត្រូវស្ថិតនៅក្នុងផ្ទះ និងត្រូវបិទ ទូរស័ព្ទ ទូរទស្សន៍ វិទ្យុ ។ល។

មូលហេតុដែលបណ្តាលអោយស្លាប់ពេលត្រូវរន្ទះបាញ់ គឺបណ្តាលមកពីការគាំងបេះដូង។ នៅពេលរន្ទះបាញ់ចំមនុស្ស ចរន្តទាំងអស់បានឆ្លងទៅដី ជាមូលហេតុអោយសាច់ដុំបេះដូងបញ្ឈប់ចលនា។

ជាមួយគ្នានោះ ជនរងគ្រោះក៏ពុំអាចដកដង្ហើមកើត ដោយសាច់ដុំទ្រូងលែងមានចលនា។ គ្មានចលនាដង្ហើម គ្មានខ្យល់ចូលសួត គ្មានអុកស៊ីសែនក្នុងឈាម សរីរាង្គក្នុងខ្លួនលែងដំណើរការជាពិសេសបេះដូង។ រន្ទះបាញ់ក៏អាចបណ្តាល អោយហើមខួរក្បាល រឺមានគ្រោះថ្នាក់សរសៃឈាមខួរក្បាលផងដែរ។
ត្រូវចាំថា៖

– រន្ទះបាញ់សំដៅទៅរកវត្ថុដែលនៅខ្ពស់ជាងគេ។
– ការសង្គ្រោះទាន់ពេល អាចជួយជីវិតជនរងគ្រោះបាន។

វេជ្ជបណ្ឌិតជំនាញនៃមន្ទីរពេទ្យកាល់ម៉ែត រង់ចាំទទួលជួយសង្គ្រោះអ្នកជំងឺប្រកបដោយបច្ចេកទេស និងជំនាញខ្ពស់។

ប្រភពពី: Calmette Hospita

Leave a Reply

Your email address will not be published. Required fields are marked *