ឈប់​បារម្ភ​រឿង​មុខ​កើត​មុន​ទៀត​ទៅ!

ស្វាយ​ជា​ប្រភព​សម្បូរ​ទៅដោយ​វីតាមីន A ជួយ​ជម្រះ​រាល់​កោសិកា​ចាស់ៗ​លើ​ស្បែក ប្រឆាំង​នឹង​ការកើត​មុន ការពារ​ពី​ការកើត​មុន។ វីតាមីន A សំខាន់​ណាស់​ចំពោះ​ស្បែក​ព្រោះ​បើ​ខ្វះ​វីតាមីន A ស្បែក​អ្នក​នឹង​ប្រែជា​ខ្មៅ​ស្រអាប់ ប្រហោង​មុខ កើត​មុន ហើយ​ក៏​ធ្វើឱ្យ​ស្បែក​ដៃ កែងដៃ និង​ជង្គង់​ឡើង​គ្រើម​ផងដែរ។មិន​តែប៉ុណ្ណោះ​ទេ វត្តមាន​វីតាមីន C ក្នុង​ផ្លែស្វាយ​នឹង​ជួយ​បង្កើត​កូឡាសែន​សារធាតុ​ដែល​ធ្វើឱ្យ​ស្បែក​តឹងណែន​គ្មាន​ភាពជ្រីវជ្រួញ។

*គ្រឿងផ្សំ
ស្វាយទុំ 1ផ្លែ
ស៊ុតស 1គ្រាប់

ទឹកឃ្មុំ 1ស្លាបព្រាកាហ្វេ
ស្ករត្នោត 1ពែង

*ការណែនាំ
យក​ស្វាយ​ទៅ​ក្រឡុក​ឱ្យ​ម៉ត់
វៃ​ស៊ុត​ស

ដាក់​ស្វាយ​លាយ​ជាមួយ​ស៊ុត​ស ទឹកឃ្មុំ និង​ស្ករត្នោត រួច​ច្របល់​ឱ្យ​សព្វ​ចូលគ្នា​រួចជាស្រេច
លាង​សម្អាត​ផ្ទៃមុខ​របស់​អ្នក​ជាមុនសិន បន្ទាប់មក​ប្រើ​ម៉ាស់​ខាងលើ​លាប និង​ម៉ាស្សា​លើ​ស្បែកមុខ​ថ្នមៗ​រយៈពេល​ពី 5-7នាទី

រង់ចាំ​រយៈពេល 30នាទី រួច​លាង​សម្អាត​មុខ​ចេញ​នឹង​ទឹក​ស្អាត
ប្រើ​ឱសថ​នេះ​ឱ្យ​បាន 2-3ដង​ក្នុង​មួយ​សប្តាហ៍។ មិន​យូរ​ទេ អ្នក​នឹង​បាន​ឃើញ​ស្បែកមុខ​អ្នក​ប្លែក​ស្រស់ស្អាត​ច្រើនជាង​មុន៕

Leave a Reply

Your email address will not be published. Required fields are marked *