យី អីក៏ប្រហែសម្ល៉េះ! បណ្ដោយឲ្យកូនជិះពោងម្នាក់ឯង រហូតរសាត់អណ្ដែតលើផ្ទៃសមុទ្រយ៉ាងឆ្ងាយ…(មានវីដេអូ)

ក្រិក៖ កាលពីថ្ងៃអាទិត្យទី២៣ ខែសីហាសប្ដាហ៍មុននេះ ក្មេងស្រីតូចវ័យ៥ឆ្នាំម្នាក់ មិនបញ្ចេញឈ្មោះ បានជិះពោងម្នាក់ឯង រសាត់អណ្ដែតលើផ្ទៃសមុទ្រយ៉ាងឆ្ងាយ។ ហេតុការណ៍នេះ បានកើតឡើងនៅឆ្នេរមួយ នៃឈូងសមុទ្រ Corith ក្នុងទីប្រជុំជន Antirrio ប្រទេសក្រិក។

ប្រភពព័ត៌មានបានឲ្យដឹងថា មុនពេលកើតហេតុ ក្មេងស្រីរូបនោះ កំពុងលេងទឹកជាមួយនឹងឪពុកម្ដាយ ដោយគេជិះពោងរូបសេះដុះស្នែងផងដែរ។ ហើយឪពុកម្ដាយ បានភ្លេចខ្លួន ក៏បណ្ដាលឲ្យក្មេងស្រី រសាត់អណ្ដែតលើផ្ទៃសមុទ្រជិត១គីឡូម៉ែត្រពីច្រាំង។ បន្ទាប់ពីភ្ញាក់ខ្លួនរួចមក ឪពុកម្ដាយ បានប្រញាប់ប្រញាល់ទំនាក់ទំនងទៅកាន់អាជ្ញាធរកំពង់ផែ ដើម្បីជួយសង្គ្រោះក្មេងស្រីភ្លាមៗ។

យ៉ាងណាមិញ អាជ្ញាធរបានប្រើប្រាស់សាឡាងមួយឈ្មោះថា Salaminomachos និងបើកទៅជួយសង្គ្រោះក្មេងស្រី ដោយសុវត្ថិភាព និងប្រគល់ក្មេងស្រីឲ្យទៅឪពុកម្ដាយវិញផងដែរ៕

សូមទស្សនារូបភាពនិងវីដេអូខាងក្រោម៖

Leave a Reply

Your email address will not be published. Required fields are marked *