ខ្លាំងបាត់!!! លួចលុយគេហើយ ស្រាប់តែយកបង្ហោះចូលក្នុងហ្វេសប៊ុក ចុងក្រោយស្ទើរក្អួតឈាម…

បរទេស ៖ ប្រិយមិត្តជាច្រើនមានការចាប់អារម្មណ៏និងភ្ញាក់ផ្អើលជាខ្លាំងដោយកាលពីថ្ងៃទី៤ ខែធ្នូ បុរសនោះនិងត្រូវបានចោទប្រកាន់ពីបទឆបោកស្ថាប័នហិរញ្ញវត្ថុ ផ្អែកលើការបង្ហោះលើបណ្តាញសង្គម Instagram បង្ហាញពីការកាន់លុយយ៉ាងច្រើនសន្ធឹកសន្ធាប់ក្នុងដៃរបស់គាត់។

លោក Arlando Henderson ត្រូវបានចាប់ខ្លួនដោយ FBI បុរសអាមេរិកមួយរូបក្លាយជាឧទាហរណ៍បញ្ជាក់ប្រាប់យើងយ៉ាងច្បាស់ថា ការសម្ញែងទ្រព្យសម្បត្តិគគ្រឹកគគ្រេងនៅលើបណ្តាញសង្គមគឺមិនមែនជាគំនិតដ៏ល្អនោះទេ​ បន្ទាប់ពីគាត់យកលុយដែលខ្លួនលួចបានទៅសម្ញែងលើបណ្តាញសង្គមយ៉ាងហំហួន ហើយត្រូវប៉ូលិសចាប់ខ្លួននៅពេលបន្ទាប់។

លោក Henderson ដែលជាអតីតបុគ្គលិកធានាគារ Charlotte, N.C. ត្រូវបានចាប់ខ្លួនពីបទលួចលុយជាង ៨៨.០០០ដុល្លារពីធនាគារដែលគាត់ធ្វើការ។ យ៉ាងណាមិញ នេះបើយោងតាមសេចក្តីថ្លែងការណ៍មួយ ដែលបានចេញផ្សាយកាលពីថ្ងៃសុក្រសប្តាហ៍មុន ដោយការិយាល័យមេធាវី United States Attorney’s Office Western Di strict រដ្ឋ North Carolina។

យោងតាមការចោទប្រកាន់ដែលមាននៅក្នុងដីកាបណ្តោះអាសន្ន ដែលបានចេញផ្សាយកាលពីដើមសប្តាហ៍មុននៅក្នុងតុលាការសហព័ន្ធ បុរសវ័យ ២៩នឆ្នាំរូបនេះបានចូលទៅក្នុងទូដែកនៅឯស្ថាប័នហិរញ្ញវត្ថុមិនបញ្ចេញឈ្មោះ ដែលគាត់បានបម្រើការ។

ដោយឡែក គាត់បានលួចលុយពីទូប្រាក់បញ្ញើផ្ញើដោយអតិថិជនធនាគារពីទូដែកយ៉ាងហោចណាស់១៨លើកក្នុងឆ្នាំ២០១៩ ហើយបន្ទាប់មកបានដាក់ផ្ញើប្រាក់មួយចំនួននៅក្នុងទូ ATM នៅជិតនោះ។ យោងតាមសេចក្តីថ្លែងការណ៍លោក Hen derson ត្រូវបានចោទប្រកាន់ពីបទឆបោកស្ថា ប័នហិ រញ្ញវត្ថុចំនួនពីរ ចោរកម្ម ១៩លើក កិបកេង និងបន្លំទ្រព្យសម្បត្តិក៏ដូចជាបទបន្លំចូលស្ថាប័ន១២ផ្សេងទៀតផងដែរ ដែលនឹងត្រូវអនុវត្តទោសអតិបរមា ៣០ឆ្នាំក្នុងពន្ធនាគារ និងពិន័យ ១លានដុល្លារក្នុងមួយករណី។

គាត់ក៏ត្រូវបានចោទប្រកាន់ពីបទលាងលុយកខ្វក់មួយករណីទៀតដែរ ដែលនឹងធ្វើឱ្យជាប់ពន្ធនាគារថែម ១០ឆ្នាំទៀត និង ពិន័យជាប្រាក់ ២៥០.០០០ដុល្លារសម្រាប់១ករណីនេះ៕

ប្រភព៖ reviewhints

Leave a Reply

Your email address will not be published. Required fields are marked *