ភ្ញាក់ផ្អើលខ្លាំងណាស់!! អ្នកនេសាទ​យួនបាន​ចាប់​ត្រី​កម្រ​១​ក្បាលក្នុង​ទន្លេ​កម្ពុជា យកទៅ​វៀតណាម លក់បានជិត​២​ពាន់​ដុល្លារ…(មានវីដេអូ)

កាលពី​ពេលថ្មីៗនេះអ្នកនេសាទ​ជនជាតិ​វៀតណាម​ម្នាក់​មានឈ្មោះ Salayman បាន​នេសាទ ចាប់​បាន​ត្រី​យក្ស​១​ក្បាល (​ត្រី​កម្រ​,​មាន​ទំហំ​ធំ​) ទម្ងន់​ទៅ​ដល់​២៣០​គីឡូក្រាម នៅ​ឯ​ទន្លេបាសាក់ ក្នុង​ទឹកដី​ប្រទេស​កម្ពុជា នេះ​បើ​តាម​គេហទំព័រ​ជា​ច្រើន​របស់​វៀតណាម​បាន​ចុះ​ផ្សាយ​កាលពី​ថ្ងៃ​ទី​២៣ ធ្នូ នេះ ។​

​ប្រធាន​មន្ទីរ​ជលផល ប្រចាំ​ខេត្ត​អាន​យ៉ាង ប្រទេស​វៀតណាម បាន​ឲ្យ​ដឹង​ថា អ្នកនេសាទ​រស់នៅ​ក្នុង​តំបន់ Bung Lon ស្រុក Nhon Hoi ខេត្ត​អាន​យ៉ាង បាន​ចាប់​ត្រី​មួយ​ក្បាល​ទម្ងន់​២៣០​គីឡូក្រាម នៅ​តំបន់​នៃ​ទន្លេបាសាក់​(​កម្ពុជា​) ជាប់​នឹង​ក្រុង Long Binh ស្រុក An Phu ដោយ​មាន​គ្នា​៧​នាក់​ទើប​អាច​លើក​ត្រី​១​ក្បាល​នោះ​ដាក់​លើ​ទូក​បាន ហើយ​អ្នកនេសាទ​រូប​នេះ បាន​ដឹក​មក​លក់​ឲ្យ​ឈ្មួញ​នៅ​ឯ​ស្រុក​វៀតណាម​ផ្ទាល់ ជាមួយ​តម្លៃ​ប្រមាណ​២០០,០០០ ដុ​ង​ក្នុង​មួយ​គីឡូក្រាម (​ស្មើនឹង ៨,៦៥ ដុល្លារ ក្នុង​១​គីឡូក្រាម​) សរុប​ទឹកប្រាក់​ស្មើនឹង ១,៩៨៩.៥០ ដុល្លារ​អា​មេ​រិ​ក ។​

​បើ​តាម​គេហទំព័រ Zing របស់​វៀតណាម បាន​ចុះ​ផ្សាយ​ថា ត្រី​ប្រភេទ​នេះ វា​ស្ថិត​ក្នុង​បញ្ជី​ត្រី​ដែល​ជិត​ផុត​ពូជ និង​ជាក​ត្រី​កម្រ​បំផុត ។ តាម​ច្បាប់​វៀតណាម បាន​ចែង ជន​ណា​ដែល​នេសាទ ឬ​ចាប់​ត្រី​កម្រ​ប្រភេទ​នេះ ត្រូវ​រាប់​ចូល​ជា​អំពើ​ល្មើសច្បាប់ និង​ត្រូវ​ពិន័យ​សាច់ប្រាក់​ប្រមាណ​១០០​លាន​ដុ​ង ឬ​ជាង​៤,៣០០​ដុល្លារ ។ ប៉ុន្តែ​អ្នកនេសាទ​យួន​ម្នាក់​នេះ មិន​ត្រូវ​បាន​ជាប់​ពិន័យ​អ្វី​ទាំងអស់ ពី​អាជ្ញាធរ​ជលផល​របស់​វៀតណាម អះអាង​ថា ជា​សកម្មភាព​នេសាទ​ក្រៅប្រទេស ដែល​មិន​ពាក់ព័ន្ធ​ដល់​ធនធាន​ក្នុង​ប្រទេស​វៀតណាម​ឡើយ ៕






មានវីដេអូខាងក្រោម

ប្រភព៖kbn

Leave a Reply

Your email address will not be published. Required fields are marked *