រឿងលេចធ្លាយ​ព័ត៌មាន​ថា កញ្ញា​ ពេជ្រ​ សូលីកា​ ភ្ចាប់ពាក្យមិនទាន់បានប៉ុន្មានផង ក៏មានផ្ទៃពោះ​ ពេលនេះតារា​ចម្រៀង​ស្រី​រូប​នេះ​ បាន​ប្រតិកម្មថា…

កាលពី​ពេល​ថ្មីៗ​នេះ​ មហាជនជាច្រេីន​បានមានការ​ចាប់​អារម្មណ៍​ជាខ្លាំង​ ចំពោះ​ពិធីភ្ជាប់​របស់​កញ្ញា​ ពេជ្រ​ សូលីកា​ ជាមួយ​គូស្នេហ៍​​ ដែលបាន​ប្រារព្ធ​ធ្វើ​ឡើងកាលពី​ព្រឹកថ្ងៃទី២៥ ខែតុលា​ ឆ្នាំ២០១៩​នេះ ដែលបានរៀបចំ​យ៉ាង​អធិអធ័ម​ ក្រោមការដឹងឮពីបង​ប្អូន​សាច់​ញាតិ​ ចាស់ទុំទាំងសងខាង​ និងមានការចូលរួមពី​មិត្ត​ភ័ក្តិ​ក្នុង​និងក្រៅ​សិល្បៈ​ ក៏ដូចជា​​ភ្ញៀវ​កិត្តិយសជាច្រេីនរូបផងដែរ ។

ជាមួយនឹងគ្នានេះដែរ គេសង្កេតឃើញថា ក្នុង​កម្មវិធី​ទាំង​មូលបានមានការរៀបចំ​យ៉ាង​ប្រណិត​ អម​ជាមួយ​ការតុបតែង​ផ្កាយ៉ាងស្រស់ស្អាត​ ហេីយអ្វីដែល​កាន់តែ​ពិសេស​នោះ​ កញ្ញា​ ពេជ្រ​ សូលីកា​ រួមជាមួុយ​គូ​ដណ្តឹងបានគ្រងឈុតសម្លៀក​បំពាក់បែបប្រពៃណីយ៉ាងស្រស់ស្អាត​ ដែលធ្វេីអោយ​អ្នកគាំទ្រ​ ក៏ដូចជា​មជ្ឈដ្ឋានមហាជនមានការ​កោតសរសេីរ​ និងពេញចិត្តជាខ្លាំង​។​

យ៉ាង​ណាមិញ​ បេីគិតមកដល់ថ្ងៃនេះ​ គូស្នេហ៍​ដ៏​ផ្អែមល្ហែម​មួយនេះបាន​ភ្ជាប់ពាក្យ​មាន​រយៈ​ពេល​២ខែហេីយ​ ហេីយ​ថ្ងៃនេះ​ក៏ត្រូវ​ជាថ្ងៃខួប​អនុស្សាវរីយ៍​២ខែរបស់អ្នកទាំង២ផងដែរ​ គឺចំថ្ងៃ​ពិធី​បុណ្យ​ណូអែល​តែម្តង​។ ដោយឡែក​ អ្វីដែល​គួរឲ្យ​មានការ​ភ្ញាក់​ផ្អើល​ជាខ្លាំង​នោះ​ កាលពី​ប៉ុន្មាន​ម៉ោង​មុន​នេះ​​ គូដណ្តឹងរបស់​កញ្ញា​ ពេជ្រ​ សូលីកា​ បានធ្វើការបង្ហោះជាសាធារណៈ ជាមួយនឹងរូបភាពដ៏មានអត្ថន័យមួយសន្លឹក គឺអេកូកូននៅក្នុងផ្ទៃ ដែលទើបតែចាប់កំណើតបានប៉ុន្មានខែនេះនោះទេ។​

ទន្ទឹម​នឹង​ការបង្ហោះជា​សាធារណៈ​ពីគូដណ្តឹងរបស់​តារា​ចម្រៀង​ស្រី​ដ៏​ល្បី​រូបនេះ​រួចមក​ បាន​ធ្វើឲ្យ​មាន​ការ​ត្រេក​អរ​ និង​រីករាយ​ជាខ្លាំង​ពី​បណ្តាអ្នកគាំទ្រ​ ក៏ដូចជា​មហាជន​ជាច្រើន​ ចំពោះ​ចំណង​ដៃ​កូននៅក្នុងផ្ទៃដ៏ពិសេសនៅចុងឆ្នាំ២០១៩នេះ។ ក្រោយ​ពី​មានការ​ផ្ទុះ​កក្រើក​ពេញ​បណ្ដាញ​សង្គម​ហ្វេសប៊ុក​រួចមក​ ស្រាប់តែ​នៅមុននេះ​បន្តិច​ កញ្ញា​ ពេជ្រ​ សូលីកា​ ក៏បាន​បង្ហោះសារ​នៅ​លេី​ទំព័រ​ហ្វេសប៊ុក​ជាផ្លូវការ​របស់​ខ្លួន​ ដោយមានខ្លឹមសារទាំងស្រុង​ដូច​តទៅ​៖​

«ថ្ងៃសប្បាយ ថ្ងៃលាភ ថ្ងៃជ័យ ខន្តី ជាមួយពពួក ចាំតែជាន់ពន្លិចគេ ចាំមើលតែគេខុស តែមិនដែលបើកភ្នែកមើលពីខ្លួនឯងខ្លះ ថាវាយ៉ាងម៉េច។ អោយខ្លួនឯងល្អគ្រប់ ១០ សិនទៅទំនេរៗ ឈរឆ្លុះកញ្ចក់មើលពីខ្លួនឯង ថាល្អលើសគេដល់កម្រិិតណា កុំរបៀបមានដៃចេះតែសរសេ មានមាត់ចេះតែនិយាយ មានខួរកុំចេះតែគិតរឿងគ្មានប្រយោជន៌»។






ប្រភព៖ khosja

Leave a Reply

Your email address will not be published. Required fields are marked *