ស៊ែរឲ្យគ្នាដឹងផងណា! មហា​វិថី​រាម​ (សមុទ្រ​រាម)បានបើកដំណើរការឲ្យប្រើប្រាស់ហើយ​ដែលជាផ្លូវឆ្ពោះទៅដល់ឆ្នេរអូរត្រះ​…

នៅមុននេះបន្តិច នាថ្ងៃទី ០៦ ខែធ្នូ ឆ្នាំ ២០១៩ បើយោងតាមរយៈហ្វេសប៊ុកផេកឈ្មោះ “ស៊រ” បានប្រាប់ដំណឹងល្អមួយថា៖ “ដំណឹង​ល្អ​ នាចុងខែធ្នូនេះបងប្អូនអាចជិះតាម​ មហា​វិថី​រាម​ (សមុទ្រ​រាម)​ រហូតមកដល់ឆ្នេរអូរត្រះ​ បុកចូល​អូរឈីទាល់​ មកដល់ក្នុងក្រុងបានហេីយ​

ខេត្តព្រះសីហនុ​-នាព្រឹកថ្ងៃទី៦ខែធ្នូ​២០១៩ឯកឧត្តម​គួចចំរេីន​បន្តចុះត្រួតពិនិត្យការដ្ឋានជួលជុល ស្ថាបនាផ្លូវក្នុងខេត្ត ជាថ្មីម្តងទៀតក្រោយពីបញ្ចប់​ បេសកកម្ម​នៅឯរាជធានីភ្នំពេញ ដើម្បីតាមដានមើលការវិវត្តនៃដំណើរការសាងសង់ក្រោយពីបានបើកការដ្ឋានកាលពីថ្ងៃទី១៦វិច្ឆិកា២០១៩កន្លងទៅ។

ក្នុងដំណើរចុះពិនិត្យនារព្រឹកថ្ងៃទី ៦ ខែធ្នូ​ ឆ្នាំ២០១៩​ ឯកឧត្តម​អភិបាលនៃគណៈអភិបាលខេត្តព្រះសីហនុ និងមន្ត្រីមន្ទីរជំនាញពាក់ព័ន្ធ អាជ្ញាធរ បានចុះពិនិត្យការដ្ឋានជួលជុល ពង្រីកបន្ថែម និងសាងសង់ផ្លូវថ្មីមហាវិថីជំទាវម៉ៅ នៅតាមមាត់សមុទ្ររាមឆ្ពោះមកក្រុងព្រះសីហនុ ដែលជាផ្លូវថ្មី សម្រាប់រំដោះការកកស្ទះ។

ឯកឧត្តម​គួចចំរេីនមានប្រសាសន៍អោយដឹងថា​​ នាចុង​ខែធ្នូ​នេះ​ ផ្លូវ​មហា​វិថី​ រាម​ មហាវិថី​ឆ្នេរ​រាម​ មហាវិថី​ជំទាវ​ម៉ៅ​និងបេីកអោយបងប្អូនធ្វេីដំណេីរបណ្ដេីរៗ​ ដេីម្បីសម្រួល​ចរាចរណ៍​ចំពោះ​បងប្អូនដែលមានបំណង់ចូលមកក្រុងព្រះសីហនុ​នាឱកាសឆ្លងឆ្នាំខាងមុខនេះ ។

គួរបញ្ជាក់ថា ចាប់ពីបានប្រកាសបើកកាដ្ឋានស្ថាបនាផ្លូវកាលពីព្រឹកថ្ងៃទី១៦ខែវិច្ឆិកា២០១៩ រហូតដល់ចុងខែធ្នូឆ្នាំ២០១៩ ក្រុមហ៊ុនស្ថាបនាផ្លូវបានដំណើរការឈូសឆាយ កាយផ្លូវ យ៉ាងសកម្មរាល់ថ្ងៃ។ តាមរយៈគម្រោងដ៏ធំសំបើមនេះ នឹងធ្វើអោយខេត្តព្រះសីហនុ កាន់តែមានការទាក់ទាញបន្ថែមទៀត ខណៈបច្ចុប្បន្ននេះ ប្រជាពលរដ្ឋទូទៅបាននឹងកំពុងអបអរសាទរយ៉ាងកក់ក្តៅពោរពេញដោយក្តីសង្ឃឹមបន្ថែមទៀតចំពោះសមិទ្ធិផលថ្មីនេះ។”៕















Leave a Reply

Your email address will not be published. Required fields are marked *