កូន​ខ្មែរ​​៥រូប!​ ដែល​ធ្វើ​ឲ្យ​ពិភពលោក​ស្គាល់​កម្ពុជា​កាន់​តែ​ច្បាស់​ និងបាន​នាំមកនូវ​កិត្តិយស​ដ៏​ធំធេង​ជូន​ជាតិ​

មនុស្ស​មាន​សមត្ថភាព​អស្ចារ្យ​ គឺជា​ធនធាន​ដ៏​កម្រ​បំផុតនៅក្នុង​ប្រទេស​នីមួយៗ​លេី​សកល​លោក​យេីង​នេះ​ ដោយ​ពួកគេ​អាច​ធ្វើ​រឿងដែលនឹកស្មានមិនដល់​ ដោយចំពោះ​មនុស្ស​ធម្មតា​មិនអាចធ្វេីបាននោះឡេីយ។ ដោយ​ឡែក​ នៅថ្ងៃនេះ​ ក្រុម​ការងារ​ KhmerOsja យេីង​ខ្ញុំ​ នឹងនាំ​អារម្មណ៍​ប្រិយមិត្ត​មកស្គាល់ពី​កូន​ខ្មែរ​ចំនួន​៥រូប

ដែលកាល​ពី​ពេល​ថ្មីៗ​នេះ​ ពួកគេ​បាន​សាងភាព​អស្ចារ្យ​ដល់​ប្រជាជាតិ​កម្ពុជា​ ដោយការបង្ហាញ​ពី​សមត្ថភាព​របស់​ខ្លួន​លេី​ឆាក​អន្តជាតិ​អោយពិភពលោកបានស្គាល់​ និង​ទទួល​បាន​ជ័យជំនះ​យ៉ាង​ត្រចះត្រចង់​ ដោយនាំយក​កិត្តិយស​មកជូនជាតិ​ និងធ្វើឲ្យ​ប្រជាពលរដ្ឋ​ខ្មែរ​ទូទាំង​ប្រទេស​ បានមានក្តី​រំភើប​រីករាយ​ សរសើរ​មិន​ដាច់​ពី​មាត់​ និងមាន​មោទនភាព​ជាខ្លាំង​ ដោយ​ក្នុង​នោះ​រួមមាន​ដូចជា​៖

1- ក្រុមកីឡាការិនីប៉េតង់កម្ពុជា ដណ្តើមបានមេដាយមាស ១គ្រឿងក្នុងព្រឹត្តិការណ៍កីឡា SEA Games 2019 លេីក​ទី​៣០​ នៅប្រទេសហ្វីលីពីន ក្នុងវិញ្ញាសា ៣នាក់ទល់នឹង៣នាក់ ឈ្នះក្រុមកីឡាការិនីរបស់ម៉ាឡេស៊ី នៅវគ្គផ្តាច់ព្រ័ត្រក្នុងលទ្ធផលពិន្ទុ ១៣ទល់នឹង៤ នារសៀលថ្ងៃព្រហស្បតិ៍ ទី០៥ ខែធ្នូនេះ។

2- កីឡាករម៉ូតូទឹកកម្ពុជា​ សាលី អ៊ូមើត បានយក​ឈ្នះ​ដៃ​គូ​ប្រកួត​របស់​ខ្លួន​ បន្ទាប់​ពី​បានខិតខំ​តស៊ូ​យ៉ាង​ស្វិតស្វាញ​ក្នុង​ការ​ប្រកួត​ប្រជែងជាមួយកីឡាករ​មកពី​ច្រើន​ប្រទេស​ ក្នុងការប្រកួតព្រឹត្តិការណ៍ Thai Airways International Jet Ski World Cup 2019 កាលពី​ថ្ងៃ​ទី​០៨​ ខែ​ធ្នូ​ ឆ្នាំ​២០១៩​ ម្សិលមិញ​នេះ​ នៅខេត្ត Pattaya ប្រទេសថៃនេះ​។

3- និស្សិត​ ហុង​ ភារិន​ អច្ឆរិយកម្ពុជា​ បាននាំយកទង់ជាតិខ្មែរ​ មកបង្ហាញ​ក្នុង​វេទិកានៃការប្រកួត​នៅក្នុង​កម្មវិធី​ប្រកួត​ការ​ចងចាំ​លំដាប់​ពិភពលោក​លើក​ទី​២៨(The 28th world memory championships)​ ដែលបានប្រព្រឹត្ត​ទៅ​កាលពី​ថ្ងៃ​ទី៥​ ខែ​ធ្នូ​ ដល់​ថ្ងៃ​ទី​៧​ ខែ​ធ្នូ​ ឆ្នាំ​២០១៩​ កន្លងទៅ​ថ្មីៗ​នេះ​ និងបាន​រៀប​ចំឡេីង​នៅក្នុង​ក្រុង​ អ៊ូហាន​ ប្រទេស​ចិន។

4- កីឡាការិនីតេក្វាន់ដូ​ WT​ កម្ពុជា វិរៈ​នារី​ ស៊ន សៀវម៉ី បានប្រកួតឈ្នះលើកីឡាការិនីម្ចាស់ផ្ទះហ្វីលីពីន ដោយពិន្ទុប្រកៀកប្រកិតគ្នា៣ពិន្ទុ​ ក្នុង​វគ្គ​ផ្ដាច់ព្រ័ត្រ​ ទទួល​បាន​មេដាយមាស​ ក្នុងព្រឹត្តិការណ៍កីឡា SEA Games 2019 លេីក​ទី​៣០​ នៅប្រទេសហ្វីលីពីន​ កាលពី​ថ្ងៃ​ទី​០​៨​ ខែ​ធ្នូ​ ឆ្នាំ​២០១៩​ ម្សិលមិញ​នេះ​។

5- កីឡាការិនីជឺជិតស៊ូដ៏ឆ្នើមរបស់​កម្ពុជា​ ខាន់ ចេសា​ ទទួល​បាន​មេដាយមាស​ បន្ទាប់ពីយកឈ្នះកីឡាការិនីម្ចាស់ផ្ទះហ្វីលីពីននៅ​វគ្គផ្តាច់ព្រ័ត្រ​ ក្នុងព្រឹត្តិការណ៍កីឡាស៊ីហ្គេម​(SEA Games​ 2019) លើកទី៣០ នៅទីក្រុង Clark ប្រទេសហ្វីលីពីន​ កាលពី​ថ្ងៃ​ទី​០៩​ ខែ​ធ្នូ​ ឆ្នាំ​២០១៩​​។

Leave a Reply

Your email address will not be published. Required fields are marked *