កូនម៉ាក់មិនមែនជាកូនឥតខាន់ស្លាទៀតទេ! ទោះម៉ាក់ប៉ាមានកូនមុនរៀបការ ញាតិតិះដៀលថាប៉ុណ្ណា តែម៉ាក់ប៉ាស៊ូទ្រាំបានរហូតមានថ្ងៃនេះ…

ចំពោះជនជាតិខ្មែរ ពិធីរៀបអាពាហ៍ពិពាហ៍ គឺពិតជាព្រឹត្តិការណ៍ដ៏សំខាន់ខ្លាំងណាស់ សម្រាប់ជីវិតមនុស្សម្នាក់ៗ។ កាលពីសម័យមុន ឪពុកម្ដាយគ្រប់រូប ជាអ្នកទុកដាក់កូនចៅ​រួចស្វែងរកគូស្រករអោយពួកគេ។ ប៉ុន្ដែមកដល់ពេលបច្ចុប្បន្ននេះវិញ យុវជន យុវតីខ្មែរ មួយចំនួន មានសេរីភាពក្នុងការជ្រើសរើសគូស្រកររបស់ពួកខ្លួនដែលស្រលាញ់ រួចធ្វើការស្វែងយល់ចិត្តគ្នា ទៅវិញទៅមក មុននឹងឈានដល់ការរៀបអាពាហ៍ពិពាហ៍។

ដោយ​ឡែក​ ក្រឡេក​មកមេីល​ពី​គូស្នេហ៍​មួយ​គូ​នេះ​វិញ​ បានសម្រេចបំណងប្រាថ្នា​ បន្ទាប់ពីខ្លួនបានរួមរស់នៅជាមួយគ្នា ដោយមិនបានរៀបការតាមប្រពៃណី រហូតមានចំណងដៃកូនស្រីម្នាក់។ បើទោះជាយ៉ាងនេះក្ដី អ្នកទាំងពីរមិនបាន​បំភ្លេច​ប្រពៃណី​ខ្មែរ​នោះទេ​ ដោយពេលនេះ​គូស្នេហ៍​មួយ​គូ​នេះ​ បានកាន់ដៃគ្នាចូល​រោងការ​ហេីយ​ ក្រោម​ការចូលរួម​អបអរ​សាទរ​ពី​ភ្ញៀវ​កិត្តិយស​ និង​បង​ប្អូន​សាច់​ញាតិ​ទាំង​សាងខាង​។

ជាមួយគ្នានេះដែរ នារីជាភរិយា ដែលគាត់មានគណនី ហ្វេសប៊ុកឈ្មោះ ជេនឌី​ ជេនឌី​ បានសរសេរប្រាប់ឱ្យដឹងថា៖ «តាយាយរបស់កូន​ មិនដែលប្រដៅម៉ាក់អោយម៉ាក់ដើរខុសប្រពៃណីបែបនេះទេ តែក៏ព្រោះចិត្តមិនដាច់ចិត្ត ធ្វើជា ឃា តករ កូនកើតមកព្រោះតែក្តីស្រលាញ់របស់ម៉ាក់និងប៉ា អញ្ចឹងកូនសាកសមនិងរស់នៅមើលឃើញពិភពលោកនេះដូចក្មេងដទៃទៀតដូចគ្នា។

តែឥលូវម៉ាក់ប៉ារៀបការហើយកូនស្រី ឆ្នាំមុនម៉ាក់ប៉ាបំពេញតួនាទីជាឪពុកម្តាយដែលមានទំនួលខុសត្រូវ ឆ្នាំនេះម៉ាក់ប៉ាបំពេញតួនាទីជាកូន រៀបការបំពេញមុខមាត់តានឹងយាយរបស់កូនទាំងសងខាង ទោះម៉ាក់ប៉ាមានកូនមុនរៀបការ ញាតិតិះដៀលថាប៉ុណ្ណា តែម៉ាក់ប៉ាស៊ូទ្រាំបានរហូតមានថ្ងៃនេះ ។ កូនម៉ាក់មិនមែនជាកូនឥតខាន់ស្លាទៀតទេ មើលមុខចុះស្រណោះណាស់»។

ប្រភព: khosja

Leave a Reply

Your email address will not be published. Required fields are marked *