ស្លុតចិត្ត!! ឪពុកជីកផ្នូរ ដេកឱបកូនស្រីរង់ចាំថ្ងៃស្លាប់…(មានវីដេអូ)

បុរសជាឪពុក ដែលជាកសិករក្រីក្រជនជាតិចិនម្នាក់ បានជីករណ្តៅធ្វើជាផ្នូរ ទុកគេងលេងជាមួយកូនស្រីជារៀងរាល់ថ្ងៃ ដើម្បីកំដរជីវិតចុងក្រោយរបស់កូនស្រី ក្រោយពីគ្រួសារ​អស់លទ្ធភាពព្យាបាលជំងឺនាង

លោក Zhang Liyong គឺ​ជាកសិករក្រីកម្នាក់ រស់នៅក្នុងខេត្តស៊ីឈួន​។ លោកមានកូនស្រីតូចដ៏គួរឲ្យស្រលាញ់ម្នាក់​ឈ្មោះ Xinlei បច្ចុប្បន្ននាងមានអាយុ២​ឆ្នាំហើយ។ កុមារី Xinlei កើតមកទទួលរ​ងភាពអយុត្តិធម៌ពីធម្មជាតិ​ ដោយកើតមានជំងឺដ៏កាចសាហា​វ និង​គួរឲ្យព្រួយបារម្ភចាប់តាំងពីកំណើតមកម្លេះ ហើយត្រូវបានក្រុមគ្រូពេទ្យធ្វើការ វិនិច្ឆ័យរកឃើញថា នាងមានបញ្ហាជំងឺកោសិកាឈាមក្រហមធ្ងន់ធ្ង​រ ដែលនឹងឈានដល់​មហារីកគ្រាប់ឈាមថែមទៀត​ផង ឬហៅថា «Thalassemia» ប្រសិនណា​បើមិនស្វះស្វែងការព្យាបាលឲ្យបានដិតដល់ទេ ។

បើតាមប្រភពបានឲ្យ​ដឹងថា កន្លងមកនេះ លោក Zhang ​និងគ្រួសារបានចំណាយលុយអស់ប្រហែល ១៤,៧២៩ ដុល្លារអាមេរិកមកហើយ​ សម្រាប់ថ្លៃព្យាបាលលើ​កូនស្រី ខណៈបច្ចុប្បន្ន​គ្រួសាររបស់លោក កំពុងជួបវិបត្តិ​ហិរញ្ញវត្ថុ គ្មានលទ្ធភាព​បន្តជួយព្យាបាលជំងឺកូនស្រីជាទីស្រលាញ់បានទៀតទេ​ ។

លោក Zhang បាននិយា​យ​ថា គ្រួសាររបស់​លោកបានដើរបុល​ខ្ចីលុយ​គេជុំទិស ហើយឥលូវគេ​ក៏លែងឲ្យខ្ចីទៀតដែរ​។ នៅទីបំផុត ​លោក និងភរិយាឈ្មោះ​ Deng Min ក៏បានសម្រេច​ចិត្តជីករណ្តៅធ្វើជាផ្នូរមួយ​ជាស្រេច ដើម្បីទុកគេងលេងជាមួយ នឹងកូនស្រីបណ្តូល​ចិត្ត ដើម្បីផ្តល់ភាពកក់​ក្តៅ កំដរជីវិតចុងក្រោយរបស់នាង នឹងបង្កើតការចងចាំ​ដ៏ល្អបំផុត​មួយសម្រាប់នាង ទើបធ្វើបែប​នេះតែម្តងទៅ​។

លោកបាននិយាយថា ៖ ​( មានតែធ្វើអ៊ីចឹងទេ នាំនាងមកលេងនៅកន្លែងមួយនេះជារៀងរាល់ថ្ងៃ ព្រោះនេះគឺជាកន្លែងដ៏ស្ងប់សុខមួយហើយសម្រាប់នាង ) ។ នេះតាមសម្តីលោក Zhang បានលើកឡើង។តាមរយៈរូបភាព និងវីដេ​អូឃ្លីប ជាមួយនឹងការរៀ​បរាប់ដ៏កំសត់មួយនេះ បានធ្វើឲ្យអ្នក​និយមលេងអ៊ីនធើណែតជាច្រើន កើត​ក្តីអាណិតអាសូរ និងខ្លោច​ចិត្តយ៉ាងខ្លាំង​នូវអ្វីដែលបានកើតឡើង មកលើក្មេងស្រី​ដ៏គួរឲ្យអភ័ព្វនេះ ៕ប្រភព ខ្មែរផាត

Leave a Reply

Your email address will not be published. Required fields are marked *