នេះហើយមហាសំណាង!!! គ្រាន់តែដើរឃ្វៀលចៀមសោះ ​រើស​បាន​ដុំ​មាស​ជាង ៧គីឡូក្រាម តំលៃរហូតដល់…

ចិន៖ Berek Sawut ជាអ្នក​គង្វាលចៀម​ជន​ជាតិ​ដើម​កាហ្សាក់ស្ថាន ដែល​រស់​នៅ​ប្រទេស​ចិន ពេល​កំពុង​ដើរ​ឃ្វាល​ចៀម​ពពែ ក៏​ប្រទះ​ឃើញ​ដុំ​មាស​មួយ​ដុំ​ដោយ​ចៃដន្យ។ ​គាត់​ប្រទះ​ឃើញ​នៅ​តំបន់​ស៊ីនជៀង (Xinjiang) ដែល​ស្ថិត​នៅ​ភាគ​ខាង​លិច​ប្រទេស​ចិន។ ​គេ​វាយ​តម្លៃ​ថា​ដុំ​មាស​នោះ​ទម្ងន់ ៧,៨៥ គីឡូក្រាម អាច​លក់​បាន​តម្លៃ ២៥៥ ៣១៣ ដុល្លារ​អាមេរិក (ជាង ២៥ ម៉ឺន)។ កាលពី​ឆ្នាំ២០១០ ក៏​ធ្លាប់​មាន​គេ​រើស​បាន​មាស​មួយ​ដុំ​របៀប​ដូចគ្នា​នេះ​ដែរ។

ដូចនេះ តំបន់​ស៊ីជៀង​ទំនង​សម្បូរ​រ៉ែ​មាស។កាលពី​ឆ្នាំ១៨៦៩ គេ​រើស​បាន​ដុំ​មាស​ទម្ងន់​ជាង​១០៩ គីឡូក្រាម​នៅ​តំបន់​ដាច់​ស្រយាល​មួយ​នៅ​ប្រទេស​អូស្ត្រាលី ដែល​ត្រូវ​បាន​ចាត់​ទុក​ជា​ដុំ​មាស​ធំ​បំផុត​ក្នុង​ប្រវត្តិសាស្ត្រ។ មាស​មួយ​គីឡូ​ក្រាម​ស្មើ​នឹង ២៧ ដំឡឹង។

​ករណី​ខាង​លើ​ជា​ហេតុការណ៍​កម្រ​នឹង​កើត​មាន ព្រោះ​អ្នក​គង្វាល​រូប​នោះ​បាន​ប្រទះ​ឃើញ​ដុំ​មាស​នៅ​លើ​ដី​កណ្ដាល​វាល​តែម្ដង ផ្ទុយពី​ទិដ្ឋភាព​ទូទៅ ដែល​គេ​ច្រើន​រក​បាន​មាស​ប្រភេទ​នេះ​ដោយ​ការ​ជីក​លុង​យក​រ៉ែ​មាស​ពី​ក្នុង​ដី ហើយ​យក​ទៅ​រែង ឬ​ដុត​ដី​ដើម្បី​បាន​មាស។បុរស​រូប​នោះ​មិន​បាន​ដឹង​ថា​មាស​មួយ​ដុំ​នេះ​មាន​តម្លៃ​ដល់​ម្លឹង​សោះ​គឺ​តម្លៃ​ជាង ២៥ ម៉ឺន​ដុល្លារ​អាមេរិក។

 

មាន​ព័ត៌មាន​ល្បី​ត​គ្នា​ថា​តំបន់​ស៊ីនជៀង​នេះ ធនធាន​ធម្មជាតិ​មាន​មិន​ខ្វះ ហើយ​សម្បូរ​ហូរហៀរ មិន​យក​ទៅ​ណា​អស់ មាន​តាំង​ពី​មាស ធ្យូងថ្ម ប្រេងឆៅ និង​ឧស្ម័ន​ធម្មជាតិ៕​

Leave a Reply

Your email address will not be published. Required fields are marked *